Алёнкіны казкі

Зараз растлумачу, што я маю на yвазе, пры дапамозе аднаго бытавога прыкладу.

На дзень напiсання гэтых радкоy я жыву разам з братам, на абед да нас прыходзiць яшчэ i бацька (мы yтрох працуем у адным населеным пункце), мацi перадае iм слоiк з супам цi з баршчом, яны пералiваюць яго y рондаль, грэюць, разлiваюць па талерках, – абедаюць, адным словам. Пасля абеду што бацька, што брат бяруць свае кубкi з-пад гарбаты i апалоскваюць iх пад кранам з халоднай вадой. І гэта, па iх шчырым перакананнi, дазваляе iм зрабiць вынiк, што яны пасля абеду вымылi за сабой посуд!

Гэты прыклад найлепшым чынам характарызуе мужчынскую логiку – даволi вузкую, аднабокую, выбiральную.

Жаночая ж логiка, наадварот, носiць больш шырокi, рознабаковы характар. Вы ж не можаце yявiць сабе жанчыну, якая скажа, што яна памыла посуд, перш чым збярэ кубкi па yсiх пакоях, праверыць на наяyнасць пратэрмiнаваных прадуктаy халадзiльнiк, вытрэ пасля мыцця yсяго посуду стол, плiту, блiзляжачыя да мойкi шафкi, адчысцiць саму мойку i плiтку над ёй?!

Я не хачу паказаць гэтым прыкладам, што жанчыны разумнейшыя за мужчын.

 Не. Проста мы розныя. Мужчына выбiрае для сябе нейкую пэyную вобласць для даследванняy i капае, капае, капае, пакуль не закапаецца. А паспрабуйце вырыць яму y 2—3 метры, залезцi y яе, i што вы yбачыце? Адну толькi вузкую палоску святла над галавой. Гарызонт атрымлiваецца звужаным дашчэнту!

Я ж пра сябе, як пра жанчыну, не магу сказаць, што валодаю глыбокiмi ведамi хаця б у якой-небудзь вобласцi.

Так, там нешта пачытала, краем вуха пачула, убачыла, штосьцi адчула, знаёмы расказаy цiкавы выпадак з жыцця, своечасова паглядзела патрэбную перадачу па тэлевiзары. Але менавiта гэтая няздатнасць глыбока пагрузiцца y адну канкрэтную праблему i дае жанчыне iншую здольнасць – пераасэнсаваць i зрабiць высновы з шырокага спектру iнфармацыi. Няyменне глыбока «капаць» дае магчымасць жанчыне бачыць усё наваколле аж да лiнii гарызонту, што несувымерна больш той вузкай палоскi, якую, няхай сабе i дэталёва, бачыць мужчына.

Такiм чынам, усеахопнасць павярхоyных ведаy адной можа служыць добрым дадаткам да вузканакiраванасцi i, як вынiк, глыбiнi ведаy другога. (Я дапушчаю думку, што некаторыя мужчыны здатныя нагрэць чайнiк вады, каб дасканала памыць сваю шклянку з лыжкай кiпнем з дабаyленнем «Morning fresh». )

Іншымi словамi, у той час, як ён мае большую схiльнасць да аналiтычнай дзейнасцi, то яна – да сiнтэтычнай.