Болганчык еллар. Мөһаҗирләр (җыентык) / Муть. Мухаджиры

Р¤У™С…СЂРё – Сафаның яшьтәше. Бик яшьли әтисез калып, СѓР» байтак нужа РєТЇСЂРґРµ, берничә ел батраклыкта эшләп Р№У©СЂРґРµ. У?нисенең уңганлыгы, тапканны Р±РёРє бәрәкәтләп, кысып тота белүе аркасында гына СѓР» аякка баса алды. Байтак еллары авырлык белән РґУ©РЅСЊСЏ көтеп СѓР·РґС‹. У?нисенең бердәнбер улы булганга, Р¤У™С…СЂРёРЅРµ солдат хезмәтеннән азат иткәннәр, Р»У™РєРёРЅ шулай РґР° СѓР» һаман У©Р№Р»У™РЅУ™ алмый Р№У©СЂРё РёРґРµ әле.

Ул күптәннән бирле Тол Таҗи белән дус, җыеннарда да гел аны яклый. Моның өчен авылдагы күп кеше Фәхрине яратмый. Шулай да Йосыф карттан башка берәү дә аның яучыларын кире борып җибәрмәс иде.

Чөнки Фәхри авылда әйбәт егетләрдән санала, төскә-башка да чибәр.

Усал телләр, аксак Сәләхи кызы Мәфтуха белән Фәхри арасында нидер бар, дип сөйләсәләр дә, соңгы вакытларда Фәхри күбрәк Саҗидәгә күз төшереп йөри иде. Шуңа үч итеп булса кирәк, Мәфтуха солдаттан кайткан Сафага аеруча игътибар күрсәтә башлады.

Сафа исә кызның бу тырышуына әһәмият итмәсә дә, Мәфтуха өметен өзми иде. Менә ул бүген дә, Сафаны үзенә җәлеп иттерер өчен, аның белән янәшә басты.

Сафаның Саҗидәне яратып йөрүен берәү дә белми иде әле. Ул нәрсә Мәфтуханың да күңелендә юк иде.

Баштарак өмәчеләр әкрен урдылар, тора-бара эшкә күнегеп китеп, чын мәгънәсендә ярышып эшли башладылар.

Саҗидә белән Сафа тигез баралар иде. Көлтәне бер үк вакытта урып, бер үк вакытта кысып бәйлиләр дә төп ягы белән җиргә утырталар.