ИСАТАЙ – МАХАМБЕТ

Лауазымға керек Раманға

Төлейтін труба басы даны бар;

Хан қарауы қазақтың

Отыз мың үй саны бар;

Ересе болған есепте:

Сексен мыңдай жаны бар;

Үй басына мал санап

Зекет түгел алынар.

Хан салығы сол болып,

Қазынаға салынар.

Он екі уезд орнына

Əр ұруға би қойған

Əдет-ғұрпы, заңы бар.

Дін ықтияр берілген –

Мекемелі мүфтилі

Шарғымен жанған шамы бар.

Берішке деген билікті

Ортасына тастады,

Тастағанның ішінде

Р?сатай мен Р”Й™СЂС– бар.

Жақсымбет, Шомбал, Балқы би

Көңілдінің бəрі бар.

Ортаға келген билікті

Біріне-бірі қимады,

Бір қазанға сыймады.

Бəрі дырау, бəрі нар, –

Кеңеске жұртын жинады.

Ортаға келген билікті

Ел қамын жеген халықшыл

Ер Р?сатайға қимады.

Өңшең дырау күндесіп,

Сөз сөйлесе мен десіп,

Бір қазанға сыймады.

Қимағаннан ұсынып,

Құзғынға жемтіп түсіріп,

Ортамыздан сен ал деп,

Балқыға беріп сыйлады.

Сонымен Балқы би болды,

Би болған соң күйленді.

Халықты қойып, хан жақтап

Əдіске шебер үйренді.

Халық арасы бұзылып,

Сөз бенен қаңқу шиеленді.

Хан сақтаған əскерден

Халық қорқып именді.

Ханнан күдер үзіліп,

Халық арасы бұзылды.

Қашықтады қатынас,

Естіген сайын ызыңды.

Елге қатаң тиді деп,

Момындар нақақ күйді деп,

Ерлерің сонда қызынды,

Жанжалдың ұлы, кішісі

Жаңылмай жіпке тізілді.

Хан үстінен шағымдап,

Наместник патшаға

Арыздар талай сызылды.