Шигырьләр / Стихи

Нигә соң без һаман тик ятабыз,

Нигә бер зур казык какмыйбыз?

Патшасын, байларын һәм түрәсен

Шул казыкка бәйләп атмыйбыз?!

Торыгыз…

(Тәкрар.)

У?РіУ™СЂ РёСЃРєРµ тормышны бетерсәк,

Яңа тормыш нурыны сачар,

Падишаһ, байлар, түрәләр –

Бар да берсе-берсенә качар.

Менә барча халык, бертугандай

Һәм анадан яңа тугандай,

Дуст булыр, хөр булыр күктә коштай,

Тук булыр күңеле саф көмештәй.

Торыгыз…

(Тәкрар.)

Бары тигез укыр һәм эшләрләр,

Бар да тигез рәхәт чигәрләр;

Булмас ялган, золым һәм җәберләр,

Килмәс, әҗәл җитми, каберләр.

Моңарчы зәхмәт чиккән хур иде,

Аның өстендә бай зур иде.

Бетсен әүвәлдә рәхәт чиккәннәр!

Булсын патша зәхмәт чиккәннәр!

Торыгыз, килегез, ач кешеләр,

Торыгыз, дошманга үч кешеләр!

Кушылып бер җиргә бар эшчеләр,

Тартышып табыйк якты, ак көннәр!

Кыю атлагыз, иптәшләр!

Туганнар, күңелдән берләшеп,

Торыйк, бер аякка басыйк!

Р?ркенлек, сәгадәт багына,

Ягез лә, башлап юл ачыйк!

Беләмсез, туганнар, кем идек?

Дөньяга ни өчен килдек?

Тигезлек вә дустлык, җир, ирек!

Менә без шулар чөн[14 - Чөн – өчен.

Безне күп тоттылар богаулап,

Җир, ирек, якты көн бирми,

Эшләгән эшебезне талап,

Безне кеше дә дими.

Вакыт ич, туганнар, белергә,

Тартышмый табылмый хокук,

У?ллә патшадан куркамсыз,

Патшада анда көч юк.