Адбіць у чужынцаў кляйнотаў сваіх

А Д’ябал i Сатана гэта адное й тое ж, як Санта Кляyс i Сьвяты Мiкалай. Там на вокладцы ты сядзiш голы i y цябе вялiкая пiпiрка да калена, i яна yся пазарасла валосьсем, яе амаль не вiдаць. А y мяне там валосьсе яшчэ не расьце, а y Бiлi yжо ого-го, я бачыy, як мы yлетку хадзiлi y паход i купалiся голыя, а Джэй Сi кажа y яго запраyдны гушчар, але я ня веру – ён заyжды прыбрэхвае, а потым кажа што не.

Сатана, а калi ты надзяваеш нагавiцы, ты y якую калашыну запраyляеш матню – у правую цi y левую? А цi носiш шорты? У пекле ж мусiбыць горача, Бiлi кажа там лява i гiена вогненая.

А твая пiпiрка тырчыць з шортаy цi як? Калi тырчыць, дык вiдаць сьмешна выходзiць.

Ты не падумай, я тут сьмешкi ня строю. Проста цiкава.

А яшчэ я слухаю KISS. Я yзяy кружэлку y Бiлi, ён кажа дзiцячы садок, а мне падабаецца. І я ведаю што значыць KISS: Kings In Satan Service. То бок ты йснуеш, я ведаю. А яшчэ y Beatles ёсьць белы альбом, а айцец Фiлiпс называе яго д’ябальскiм альбомам. Я люблю Beatles, а Бiлi кажа дзiцячы садок.

Айцец Фiлiпс кажа Black Sabbath заключылi пакт з Д’яблам, а Джымi Пэйдж цемрашал i чорны маг. Ну ня ведаю.

Бiлi басiст. У iх з Джэфам i Трэвам свой гурт. Назву ня памятаю, штосьцi такое, ну, мудрагелiстае. Бiлi кажа яны валяць акультавы флёрыдзкi дэзьняк. (Папраyдзе, дык Бiлi i граць не сказаць каб умее.) Але гэта мiж намi, Сатана. Дзеyкi жаж вакол музыкаy труцца, а гэта галоyнае, ну ты y тэме. І лягатып у iх прыгожы, там пэнтаграма i крыжы перагорнутыя. Бiлi кажа па Сатане!

Потым яшчэ Джэй Сi прынёс быy Сатанiнскую Бiблiю да Тома на выходныя.

Яе напiсаy Антон Ля-Вэй, ён не француз, проста iмя такое. Бiлi кажа ён пазёр i педзiк. Бiлi дурань. Мы чыталi яе y цемры, у нас была сьвечка. Джэй Сi кажа ён бачыy у нас за сьпiнамi цень Люцыпара (то бок твой цень, Сатана!), але я яму ня веру. Я думаю гэта была Томава котка.

Таму я вырашыy напiсаць табе, а ня Санта Кляyсу. Санта нудны. У маёй асадцы скончыyся атрамант.

А айцец Фiлiпс зь нядзельнае школы кажа што вы мусiце павярнуць свае сэрцы да Езуса i Езус ёсьць любоy.

І мы мусiм працiвiцца спакусам Нячыстага (то бок тваiм спакусам, Сатана!) i што на гэта здольны толькi чысты духам. Айцец Фiлiпс мне не даспадобы. Бiлi кажа ён пазёр i педзiк у расе. Бiлi дурань, але як на мяне айцец Фiлiпс дакладна педзiк.

На той вокладцы таксама ё голая цыцоха, яна сiмпотная. Мы з Джэй Сi колькi разоy падглядалi за Джынi y душы. У яе таксама цыцкi не бяды, але yсё ж не такiя вялiкiя.