Сукут суиқасди ёҳуд Сталиндан Саддамгача

– Ана шу, Пунк деган иттифоқдошимиз биз ҳақимизда бўлмағур сўзларни сўйлабдилар. Яхши эмас, жаноб Риббентроп. Яхши эмас. Менинг бу эътирозимни ҳурматли фюрер дўстимизга айтиб қўйинг.

– Не дебди, у Пунк? – ҳайрон бўлиб сўради Риббентроп қизарганча.

– Сталин Николай каби буюк император, у Россияда янги монархияни тиклади, Россияда ҳамма нарса худди эскиси каби давом этади, партия аъзолари янги дворянлар, уларнинг бошлиғи эса яккаҳоким бўлади дебди.

– Мен бу гапни, албатта бориб фюреримизга айтаман ва тегишли қатъий чоралар кўрилади, жаноб Сталин, – кутилмаган эътироздан шошиб қолганди Риббентроп.

– Шундай бўлсин, нацист Риббентроп. Р?ттифоқдошлар ўзларини бундай тутмайдилар, – деди Сталин суҳбатдошидан РЅРёРіРѕТіРёРЅРё олиб қочиб.

Сталин ва Риббентропнинг шоира ҳақидаги суҳбатини эшитиб турган Марказқўмнинг идеология бўйича котиби Поспелов Риббентроп жўнаб кетиши билан Анна Ахматованинг катта тўпламини чоп этиш топшириғини берди.

…Ўн бешинчи июнь, минг тўққиз юз қирқинчи йил. Кремль. Сталиннинг кабинети.

– Куни кеча немист-фашист қўшинлари Парижни оккупация этишди! – ҳисобот берди Вячеслав Молотов Сталинга.

– Ҳим-м, Парижни босиб олди денг?

– Ҳа, Парижни олди, ўртоқ Сталин!

– Унда иттифоқчиларимизни бу ғалаба билан табрикланг! – буюрди Сталин.