УМР КИТОБИ 3-жилд

Ошиқ дилнинг аъмолими бу,

Содиқ қулнинг камолими бу?

Оҳ, нарвонсиз кўкка чорлаган,

Яратганнинг жамолими бу?!

Р‘Р?ЛГАНР?Рќ Р‘Р?ЛДР?РГАН

Биз кўнгил кўзини кўпда кўрмаймиз,

Гул бандин оҳини чўпда кўрмаймиз.

Кўрмай кериламиз, кўргандан ортиқ,

Тепки турткисини тўпда кўрмаймиз.

Ҳақиқат овози – ҳаёт хитоби,

Шоирнинг борлиги – баёт хитоби.

Эштиб билмаганга олган кўпайса,

Қаламни қон қилар довот хитоби.

Оқиллар ўргатган ордан олганим,

Йўқларни йўқлаган бордан олганим,

Менга мактабидан мурод берганлар,

Ҳақ деган, Ҳаққа зор, зордан олганим.

Умримнинг тонгида тоза ҳаводир,

Лутфи карамлари дардга даводир.

Кўриб-кўрганимдан воқиф айлаган,

Билганин билдирган қодир Худодир.

РђРЃР› БАХТР?ДАН

Қуёш кулиб чиқса, тонгинг нурафшон,

Оилангда онанг бор, онгинг нурафшон,

Ҳеч вақт қаримайди аёлдаги шон,

Муҳаббат яралган аёл аҳдидан,

Бу олам бахти ҳам аёл бахтидан.

Сабо кўп, баҳорнинг сабоси бўлак,

Дуо кўп, онанинг дуоси бўлак,

Аёлга атодир бор яхши тилак,

Аёл бор – тушмайсан, ором тахтидан,

Бу олам бахти ҳам аёл бахтидан.

Аёл уйғоқ дилда энг гўзал тушдир,

Ухламай туш кўрган ошиқ сархушдир,

Севмоқ савоб эрур, севилмоқ хушдир,

Дарё қалқиб чиқар қалблар қатидан,

Бу олам бахти ҳам аёл бахтидан.