УМР КИТОБИ 3-жилд

Сувлардан салом бор, гар тинглай олсанг

Покликдан калом бор, гар англай олсанг.

Шаршара қошида бир дам ўлтиргин,

Дунё ташвишидан толиқсанг-толсанг.

Шаршара зарраси ғуборинг ювар

Сув неки покламас, киборинг ювар.

Балки гуноҳларинг тўкилар сувга,

Сув шифо неъмати – дардингни қувар.

ШОДЛР?Рљ

Шодлик – дилнинг шалоласидир,

Шодлик – дилнинг ол лоласидир.

Қалб қатини лов-лов ёндирган,

Шодлик – дилнинг шарорасидир.

Осмонларга учирган – шодлик,

Кўкни бузиб қичқирган – шодлик.

Билганга у – бахт неъматидир,

Билмасанг ҳам кечирган шодлик.

РЁРЈРљРЈР 

Шукур қилган барака чорлар,

Қалби ўзин шукридан порлар.

Вале бордир шукур билмас ҳам,

Р?Р№РјРѕРЅСѓ инсофда ночорлар.

Шукур – Ҳаққа дил изҳоридир,

Етказганга етган зоридир.

Шукур қилган Оллоҳ наздида,

Бандаларнинг бахтиёридир.

Р­РЄРўР?ТљРћР”

Эътиқод – инсонга ишонч овози,

Қатъий бир ниятда кўнгил парвози.

Аҳдида мустаҳкам инсон зотининг –

Қалбидан қўймаган ойдек ҳамрози.

Эътиқод эгаси – соҳиби иймон,

Содиқ дўст, содиқ ёр, содиқи Раҳмон.

Минг ташвиш, минг мушкул ичра қолганда,

Йўлдан оздиролмас ҳеч битта шайтон.

ЮЗ ОЧСАНГР?Р—

Юз очсангиз, нурга очинг,

Кўз очсангиз, гулга очинг.

Олов тилин олов билар,

Сўз очсангиз, дилга очинг.