ВАТАН МАНГУ МАКОН

Мен Ҳожи Поёнман, юртдош, йўллайман салом,

Сиз қалбдан жой олган азиз дилҳоҳларим.

ДЕЙМАН

Умримиз ҳамиша фарахда ўтса, дейман,

Насиб айёмимиз сиҳатда кутса дейман.

Осойиш бўлсин юртда, оила тинч, обод,

Фарзанд, набиралардан қувонч етса, дейман.

Бу ҳаёт экан ҳам мусаффо, ҳам ғуборли,

Дилга чўккан ғамлар йўқ бўлиб кетса дейман.

Меҳмон бўлсанг, мезбон , ўртада ҳурмат афзал,

Анжуманда яхшилар номинг тутса, дейман.

Яратган қўлласа, тебраниб турса қалам,

Мусанниф асарни чиройли битса, дейман.

Қийин демай, бардош билан ишлаган мардум,

Ҳалол меҳнат нонин, оқибат тотса дейман.

Бағрин очди тарих, элинг деб ёздинг равон,

Давлат кўксинг узра бир нишон тоқса, дейман.

Эй Поён, таъмани қўй, соғ бўл, саломат бўл,

Бахтдир китобларинг ўқилса, ёқса дейман.

АЙТГР?Р›

Эслаш айбми ишқий тарихни, айтгил,

Бир дам сўзлашайлик, ёнимга қайтгил.

Йўллар кесишмади тақдирлар мисол,

Унут бўлиб кетди ваъдалар буткул.

Машрабни кўрай деб, пойладим йўлин,

Қаландар эдим-у, топмадим качкул.

Шайтонлар парвона, тутқазди шароб,

Авраб, бу дунёдан, дедилар кечгил.

Озурда юрагим турғайдай жавраб,

Тинмайин ўқдирди-севганинг қучгил.

Найлайин, оқ қушим учгандир қачон,

Ҳислардан бўшаган хароба кўнгил.

Ўнггу сўл қирғоқда турибмиз икков,

Ҳаёл шивирлайди, дарёни кечгил.