ОМОНЛИК ТИЛАЙЛИК 2-жилд

Ўлмайдиган ўзбек яшар,

Маъмуржонлар навосида.

Ватан асли вафога эш,

Қўшиқ кўнгил вафосида.

Жонга малҳам қўшиқ бордир,

Онажонлар дуосида.

Қўшиқ қилсам, қўшилиб ён,

Ошиқларнинг жафосини.

Саҳролар ҳам соғингайдир,

Комилжонлар садосини.

Ватан сўзин ёзгин, Маҳмуд,

Вафо деган имло билан.

Мардларининг номини эл,

Тилга олур вафо билан.

ТІР?РљРњРђРў

Мен келдим-у, мен бўлди дунё,

Сен келдинг-у, сен бўлди дунё,

Дунё ёшдир, дунё кўҳнадир,

Сену менга тенг бўлди дунё.

Одамзотнинг ёшин сўрама,

Мингга кирмас ахир бандаси.

Қайғулари ернинг остида,

Биз дунёни янги хандаси.

***

Бир мисра шеър битсам, қани, онажон,

Оппоқ сочларингиз толасидай хуш.

Соғинч саҳросида тизилган маржон,

Ашки қувончингиз жоласидай хуш.

Аллоҳ илҳом берур баҳорий бир тонг,

Меҳримни бир шеърда зуҳур этурман.

Турналар қувончдан уришганда бонг,

Бойчечак баргида сизга тутурман.

РћРњРћРќР›Р?Рљ РўР?ЛАЙЛР?Рљ

Кун ўтар аслида бурда нон бўлса,

Эл ичра қаддинг тик, чимдим шон бўлса,

Барчаси топилгай бош омон бўлса,

Омонлик тилайлик бир-биримизга.

Кулиб кўришсангиз, кўзлар ёришгай,

Юз йил умр тиланг, юзлар ёришгай,

Хуш ният янграса, сўзлар ёришгай,

Омонлик тилайлик бир-биримизга.