АСАРЛАР ТЎПЛАМИ (3-жилд)

Менинг етиб келган ҳикматим ҳам шу –

Умр савдоси бу, умр савдоси.

В В В В 1997, 2008

“ОЛТР?Рќ ҚАЛАМ” РњРђРќР—РЈРњРђРЎР?

Ҳаёт мангу этар давом,

Сўнмагай ҳеч меҳру карам.

Ёруғликка шиор бўлгил,

“Олтин қалам”, “Олтин қалам”.

Халқу Ватан, халқу Ватан,

Олтин даштим, олтин далам.

Сен элга дастиёр бўлгил,

“Олтин қалам”, “Олтин қалам”.

Тошқин солсин ҳар бир сухан,

Мисли ёмғир, селу жалам.

Дилларга навбаҳор бўлгил,

“Олтин қалам”, “Олтин қалам”.

Ватан – дуогўйим онам,

Ватан – бешикдаги болам,

Номус бўлгил, сен ор бўлгил,

“Олтин қалам”, “Олтин қалам”.

Гоҳи титраб кетар дунё,

Гоҳи қалқиб турар олам,

Сен огоҳ бўл, ҳушёр бўлгил,

“Олтин қалам”, “Олтин қалам”.

Рўйи замин, рўйи замин,

Унсин доим гулу лолам.

Эзгуликка сен ёр бўлгил,

“Олтин қалам”, “Олтин қалам”.

Она юртим, она юртим,

Олтин қуёш, олтин далам.

Сен нурли ифтихор бўлгил,

“Олтин қалам”, “Олтин қалам”.

В В В В 2009

«Яхшию ёмондан – эркакми, аёл…»

Яхшию ёмондан – эркакми, аёл,

Уҳ чекиб, аста кўз юмдигу кетдик.

Бу дунё мисоли туш билан хаёл,

Бир лаҳза хаёлга чўмдигу кетдик.

Узоқ яшаш мумкин иймонсиз, дилсиз,

Лекин не қилардик Ватансиз, элсиз?

Қанча зўр шоирлар бор эди, эсиз,

Барини бирма-бир кўмдигу кетдик.