АСАРЛАР ТЎПЛАМИ (3-жилд)

Жисми ўтар, аммо ўчмас каломи,

Дилларда яшайди асл адиблар.

Турфадир ҳаётнинг субҳу шомлари,

Чиндан одам бўлиш дунёда қийин.[6 - “Одам бўлиш қийин” асарига ишора.]

Асл адибларнинг Ўлмас номлари

Ўлмас кўчаларга айланар кейин.

В В В В 2009

РђРЎР РђР“Р?Р›

Яралгандан буён олам, дашту саҳролар –

Мангуликдан мангуликка оққан дарёлар.

Азал Оллоҳ юртим деган зотларга ёрдир,

Бу мулкларнинг чин эгаси Парвардигордир.

Бу мулкларга келиб кетди не-не карвонлар,

Номсиз кетди не сарвару, не-не сорбонлар.

Бирларига бош бердингу, тараф бермадинг,

Бирларига тож бердингу, шараф бермадинг.

Одам бўлиб олам билан сирлашолмаган,

Бир-бирига кеклар сақлаб бирлашолмаган.

Қўйиб берсанг шамолдан ҳам ўлпон олгайлар,

Р?нсонийлик дарёсига тўғон солгайлар.

Не деб сўйлар оналарнинг оҳ-аллалари,

Помирлару Олойларнинг оқ саллалари?

Мен бир кўчат ўтқизмаган жонлардан айтай,

Оллоҳ мулкин бозор қилган хонлардан айтай.

Улар бугун тоғлардаги қорни сотгайлар,

Диёнат ҳам номус билан орни сотгайлар.

Сув бердингу, лек дилларин сен соф бермадинг,

Нечун иймон бермадингу инсоф бермадинг?

Ер қаъридан келаверар абадий саслар,

Р?РЅСЃРѕРЅ нечун табиатдан олмагай дарслар?

Қаттол қайси, қурбон қайси – Ўзинг асрагил!

Шайтон киму раҳмон қайси – Ўзинг асрагил!

Ўтди даврон деганларнинг қанча-қанчаси,

Қолмиш Темур боболарнинг мушти, панжаси.