АСАРЛАР ТЎПЛАМИ (3-жилд)

Мен сўзга гоҳ нўноқ, гоҳо моҳирман,

Қалбим чайганларим ариғим, сойим.

Буғдой бошоғидан унган шоирман,

Бошоқдошингдирман мен ҳам, буғдойим.

Ҳандалакбўй тупроқ, буғдойбўй Ватан,

Бугун ҳар деҳқонинг – мўътабар бойим.

Ризқу насибамни бутун айлаган,

Ору номусимсан асли, буғдойим.

Бир ушоқ нонинг ҳам бўлмагай увол,

Қошу қабоғимдир асраган жойим.

Менинг ёруғ юзим, меҳнатим ҳалол,

Тинчлик замонимсан ўзинг, буғдойим.

Тупроқ кафтларингга юзимни босай,

Эй менинг заҳматкаш элим – фидойим.

Олтин уфқлардан ранг олиб ёзай,

Уфқларга қадар кетган буғдойим.

Р?жобат топгайдир РґРёР» айвонида,

Нақшбанд бобода қилган дуойим.

Сомон йўлларининг нур осмонида,

Сенинг сеҳринг бордир ахир, буғдойим.

Шу эл, шу уйлар, шу хонадонларни

Балою қазодан асра Худойим.

Юртимда отгувчи заррин тонгларни

Мунаввар айладинг заррин буғдойим.

В В В В 2010

ФУКУСР?РњРђ, 2011.11.03

Эй одамзод, ўксима,

Чернобил, Фукусима –

Қаттол қалъаларингдир,

Оғриқ яраларингдир.

Бағрингда минг ўра бор,

Аҳволига қара, бор:

Қора қути, қора ғор,

Реакторинг ярадор.

Наҳотки тараққиёт,

Бу тамаддун, бу ҳаёт –

Сенинг хом хаёлингдир,

Камолинг – заволингдир?

Шом қаро, субҳинг қаро,

Денгиз аро, Ер аро –

Бу ларзалар, бу дарзлар

Сенга бўлмади дарслар.

Юнонмизми ё ёпон,

Барчамизга бир чўпон:

Сурувни суриб тургай,

Ҳаммани кўриб тургай.