Нимкакич

Алгыс үтүөтүн алҕааннар,

Р?нникитин түстээтилэр,

Малааһыны тэрийэннэр,

Дьону-сэргэни үөртүлэр.

* * *

Үөрүү-көтүү ортотугар

Кырдьаҕастар сылыктааннар

Оҕо хоһууна чинчилиннэ,

Дьүлнэкун диэн аат бэрилиннэ.

Такымын иҥиирин көрөн:

«Аҕатын эрэ туйаҕын

Хатарыах оҕо», – дэстилэр.

Мантан ыла кинини

Р?Рј-РґСЊРёРјРєСЌСЌРЅ ииттилэр,

Күҥҥэ да көрдөрбөттүү

Күндүтүк туттулар.

* * *

Күөх оттуу үүнэр оҕобут,

Баардаах баара өтөн, уолбут:

Үстээҕэр үчэһэ үрдүгэр,

Биэстээҕэр эһэҕэ киирэр,

Тоҕустаах лөкөйү соһор.

Онтон ыла аҕата куруук,

Бэйэтин тэҥнээҕин курдук,

Уолун эрчийэр идэлээх.

Атаҕар чэҥкээйилээх

Хайаны өрө сүүрдэрэ,

Уоттаах чоҕунан быраҕан

Аһырык оҥороро,

Кэнниттэн ыппыт оҕун

Тиҥилэҕинэн хаптарара.

Онтон ыла уоллара

Аһырык чинчилэннэ,

Туоллан киһи ахан буолла.

Тыаҕа бултана сүүрэр:

Муостаах күтэрэттэри

Муостарыттан сыһан таһар,

Күтүр киҥнээх адьарайдары

Сабырҕахтарыттан сыһар.

РљСЌСЂРіСЌРЅРЅСЌРЅРёРё

РЈРѕР» РґСЊТЇТ»ТЇРЅСЌ

Симиллибиттии лаппаҕар,

Бодолоох эбит Дьүлнэкун:

Дараҕар кэтит сарыннаах,

Маҥан төгүрүк сирэйдээх,

Хара өрүү баттахтаах,

Буут эти уурталаабыттыы

Лоппоруспут быччыҥнардаах,

Дүлүҥ саҕа сотолордоох —

Чахчы бухатыыр көрүҥнээх,

Киһи киэнэ модьута эбит.

* * *

Тоҕуһуттан сэрииһит дьонун (хөнэллэрин)

Бэйэтин тула хомунна,

Эрчим хорсун походтарга

Бааттаах аата ааттанна.