Сайланма әсәрләр. 3 т. / Избранные произведения. Том 3

Ахырда стена ягына әйләнеп ятты, озак кына йокыга китә алмый азапланды…

Ринат, уйларыннан арынып, тузан сарган тонык тәрәзәгә карап торган җиреннән сәгатенә күз төшерде. Ун тулып килә иде. «Чәй эчәр вакытлары җиткән» диде, янә Хәниясенә кире кайтып. Бу вакыт аларның бухгалтериясендә бер кат чәй эчеп алалар.

Шулчак, Ринатның уйларын бүлеп, бүлмәгә атылып диярлек, бөтерчек Зайцев килеп керде. Ринат берәр ЧП бармы әллә дип аптырап китте.

– Нәрсә, Толя? – дип сорады.

Зайцев, кече гәүдәсен олы, җитди кешеләр кыяфәтендә тотып, түргә узды.

– Бернәрсә юк, – диде дә контролёр кыз өстәлендәге телефонның номерын җыя башлады.

– Алло, алло! Склад? – Ул трубканы ялт кына икенче колагына күчерде. – Миңа Галяны бирегез әле! Нәрсә? – Аның йөзе бердән җитдиләнеп китте. – Кызый! Мине шаяртма син, со мной шутки плохи… Куркытмыйм, әйтәм генә.

Кара әле, хәзер СЃРёРЅРµТЈ белән ни… ләчтит сатарга вакыт юк… Кайсы Галяны булсын, минем Галяны! Буш түгел? Кайда? Т®Р·РµТЈ алыштырып тор. У?Р№Рµ, срочно! РЇРЅР°, билгеле!

Шаярып сөйләшкән кызның тавышы ишетелми башлагач, Зайцев, бүлмә эчен айкап, як-ягына каранып алды.

Күп тә көтмәде, янә телгә килде:

– Галя! Гал!.. Бу – мин. Менә нәрсә, бүген Серёжаны бакчадан үзең аласың. Без калабыз.

Бу сүзне ишеткәч, Ринат бик куанды, көлемсерәвен сиздерми генә Зайцевка карап алды.

– Димәк, кирәк! – диде Зайцев хатынына.