АСАРЛАР (I жилд)

Бу бешик – Ҳаёт.

Йигирма етти йил –

Севгими ё сабот?

Озода қушларим

Қаерга учди? Кўр,

Чайқалибон қолди

Йигирма етти кўл.

Ярми лойқаланган,

Ярми – нофармон,

Еттиси осмондир,

Еттиси – армон.

Худди шундайин

Асрим ҳам илҳақ –

Ярми қарғиш бўлса,

Ярмиси тилак.

Сизлар-чи, сизлар,

Мақсадлари мижғов,

Мол-мулк қуллари,

Виждон қани, виждон?!.

В В В В 1985

УЙҚУДА АЙТГАН ШЕЪРР?Рњ

Энг аввал шу ёруғ жаҳонимни бер,

Сўнг ёруғ жаҳонда армонимни бер.

Токи дардларимдан ободлиғ кўрсин,

Бедардлардан бемор замонимни бер.

Осмон юлдузлари тийра ўлмишлар,

Кўзлар чарақлаган осмонимни бер.

Барча яхшиларим юз бурмиш мендан,

Яхшилар ичра энг ёмонимни бер.

Маҳзун кузга ўхшар сўлғин чеҳралар,

Баҳоррўй, лаблари хандонимни бер.

Ғафлатга ёр этма, туғён буюргил,

Оромимни олгин, бўронимни бер.

В В В В 1985

РўРЈРЁ

Мен унга ёлбордим:

Майли, ўтга сол,

Мангу равон айла кўздан ёшимни.

Не ёмонлик бўлса раво кўргин-у,

Олиб кетма лекин менинг тошимни.

Майли, насиб этсин борим, бисотим,

Р?стасанг қиличдан ўтказ бошимни.

У тош менга тутош, у тош – юртдошдир,

Олиб кетма менинг тошимни.

Ҳиссиз башарада қаттол масхара.

Кулди.

Фалакларда қорайди қуёш.

Тошнинг тим юзида ёшми йилт этди –

Асир янглиғ кетди азиз тош.

Уфқлар чайқалди.

Хирқираб чопдим.

Калималар келмай тошдай тилимга.