МАНТИҚУТ-ТАЙР

Барчаси тупроққа юзни сурдилар,

Етмадик зотингга, деб оҳ урдилар.

Ким бўлибмен мен чу лоф ургувчи қул?

Кимки машғулдир тамом, билгувчи ул.

Ундан ўзга йўк эса оламда кас,

Кимга айларсен бу савдою ҳавас?

125 Дуру гавҳар денгизи бор мавж-мавж,

Воқиф эрмассен нечукдир унда авж.

Кимки ул денгизда гавҳар топмади,

Бўлди ло, Р?ллоҳ сари СЂР°Ті топмади.

Сиғса гар тавсифга ул Раҳмонмидир?

Васфини этмоқ унинг осонмидир?

Сиғмагай рамзу ишоратларга ул,

Урма дам, сиғмас иборатларга ул.

На ишорат тўғри келгай, на баён,

Зотидин йўқ кимсада илму нишон.

130 Сен ўзингдинг кеч, камол аслида шул,

Бир йўла йўқ бўл, висол аслида шул.

Унда йўқ бўлгил, ҳулулий шул демак,

Йўқса баҳс этма, фузулий шул демак

.

Р?ккиликдин РІРѕР· кечиб, Р±РёСЂ тусли Р±СћР»,

Бир кўнгил, бир қиблаву бир юзли бўл.

Эй халифазодайи бемаърифат,

Бўл маърифат ичра сен отанг сифат.

Ҳақ адамдин бор этиб, не этди фош,

Барчаси эгди унинг олдида бош.

135 Амри Ҳақ бирлан яралди фитрати,

Ҳақ уни юз парда бирлан чирмади.

Деди: эй Одам, чу баҳри жуд бўл,

Сажда этгайлар сенга, масжуд бўл…

Этди саркашлик бири, бош эгмади,

Ул сабабдин бўлди малъун, лаънати.

Юз қаро бўлди, деди: эй бениёз,

Сен мени хор этма, корим ўнгла боз.

Ҳақ таоло деди: эй малъуни роҳ,

Ҳам халифа Одам ул, ҳам подшо.