МАНТИҚУТ-ТАЙР

Дедилар: этсанг жаҳонга эътибор,

Ҳар шаҳарнинг шоҳи бордир, шаҳриёр.

Не сабабдин юртимизда шоҳ йўқ,

Ул сабабдин бизга равшан роҳ йўқ.

Бир-бировга айлабон ёрдам, кўмак,

Р?злашайлик, Р±РёР·РіР° Р±РёСЂ подшо керак.

685 Мамлакат подшосиз эрса, бас, тамом,

Қолмагай лашкарда тартибу низом.

Хулласи, шоҳ изламоқчи бўлдилар,

Жам бўлиб, шундай қарорга келдилар.

Ҳудҳуди ошуфта кўнгил, интизор,

Ўртага тушди шу онда беқарор.

Эгнида эрди тариқатдин либос,

Бошида тожи ҳақиқат эрди боз.

Зийрак эрди баски ул, доно эди,

Не эмиш яхши, ёмон, огоҳ эди.

690 Деди: қушлар, пайки ғайбдирмен ўзим

,

Сизга ғойибдин хабар бергай сўзим.

Ҳазрати Ҳақдин хабардормен яна,

Пайки фитрат, соҳибасрормен яна.

Улки бисмиллоҳдадир минқор анга,

Тонг эмаским, очса юз асрор анга.

Ғам аро мен кун кечиргувчи киши,

Кимсанинг мен бирла борму бир иши?

Қайду қуйдим йўқ жаҳонда халқ билан,

Бас, қутулмишдир халойиқ менданам.

695 Баски жоним ичра дарди подшо,

Не қилур кўнглимда ул дарди сипоҳ?

Сув топармен қай тараф қўйсам қадам,

Маҳрами асрор эдим аввалда ҳам.

Шоҳ Сулаймон бирла бўлдим неча бор,

Хайли ичра топдим иззат, эътибор.

Хайлидин бир кимса йўқ эрса, ажаб,

Қайда, деб ул кимса этмасди талаб.

Бўлмасам ёнида ҳозир бир замон,

Ул талаб айлаб, топинг, дерди ҳамон.