Илоҳийнома

20     Ажаб ҳурматки, кимса истабон ул,

Боролмас ул тарафга, топмагай йўл.

Ажаб мулкатки, бас, боқий ва пойдор,

РќР° СѓРЅРґР° Р±РёСЂ Т›СѓСЃСѓСЂ, РЅР° Р·РёРґРґРёСЏС‚ Р±РѕСЂ.

Ажаб қувватки, хоҳиш этса бир дам,

Замин мум бўлгуси, қолмас фалак ҳам.

Ажаб шарбатки, қонга бўктириб нон,

Еганда таскину умид топар жон.

Ажаб соҳатки, гар олам битар, бас[3 - Соҳат – бу ерда майдон, доира маъносида.],

Муқаррар мулкидин бир тола битмас.

25     Ажаб ғоятки, чашми ақлу идрок

Қолурлар оқибат тупроқ бўлиб, хок.

Ажаб муҳлатки, фурсат етса, ҳангом,

Шу олам қасдига қил ҳам бўлур дом.

Ажаб шиддатки, бас, ҳужжат оларкан,

На жим тургайсану на сўзлагайсан.

Ажаб узлатки, елди қанча одам,

Кўйида топмади гарду ғубор ҳам.

Ажаб ғафлатки, солди бизга занжир,

Агарчи йўқ эди бир айбу тақсир[4 - Тақсир – нуқсон.].

30     Ажаб ҳасратки, махласдин асар йўқ,

Вале ҳасрат аро суду самар йўқ.

Ажаб тоқатки, тарк айлаб омонат,

Чиқайлик ташқари, этмай хиёнат.

Бу ишқ дарёсининг пою сари йўқ,

Юрак қонидин ўзга раҳбари йўқ.

Киши ошиқ эса, одим отиб ул,

Ботар қонларга, андоқким қизил гул.

Худовандо, неча сўз бўлди қайдим,

Талай мен ҳудаю беҳуда айтдим.

35      Агарчи журми осий юз жаҳондир,

Вале бир қатра фазлинг бекарондир.

Жаҳонда айбимиз тақсири тоат,

Бисотдир бир ҳовуч молу бизоат.

Ўзинг йўқдин яратдинг бўйла бизни,

Худовандо, ўзинг ёд айла бизни.