Яңа гасыр тавышы / Голос нового века (на татарском языке)

Миндә булыр синекедәй күзләр

һәм күрермен дөнья үзгәргәнен:

без кайтмаган көннең озынлыгын,

кояшының хәтсез кызулыгын;

саксыз әйткән сүзнең авырлыгын,

дәшмәвеңне, җыеп сабырлыгың;

балалардан көткән җылылыгың,

җылылыкның нинди олылыгын

мин аңлармын беркөн.

сагыш ургып тулыр күңелемә.

һәм шул чакта син булмассың, әнкәй…

Син булмассың – үксеп түгелергә.

Сагынуга түзалмыйча ул җан

сине эзләр синсез сукмаклардан,

үткәннәрне салыр хәтерләргә,

юатырга теләр. Кадерләргә.

…Аланнарым алсу чәчәкләрдә,

ерак әле, ерак шәфәкъләргә…

«Хыялдагы бер хатирә булып…»

Хыялдагы бер хатирә булып

кал син —

китмә хыялдан!.

…Кар сулары ярсып аккан чакта,

тау өзелгән чакта кыядан,

Син калкырсың минем хәтеремдә.

Тетрәнерләр хәтта болытлар.

Юк, югалма!

Китмә хыялымнан —

буй җитмәслек кояш булып кал!

Р?шегенә йозак эленмәгән —

күңелемне кемнәр шакымас…

Ләкин Сиңа охшаш берәү

Син булмас шул,

Синең адаш Сиңа тиң булмас.

Үткәннәргә кабат-кабат кайтам,

хәтеремнең тегәм тапларын.

Юшкыннарны вакыт юа-юа,

бер караңгы җиргә атканын

мин аңлармын әле,

танырмын.

Югалсаң да,

яктылыгың аша

Сине кабат табып алырмын.

…У? хәзергә

шундый моңсу салкын чакларда

миңа кала киләчәкне бары

бүгенгемә төреп сакларга.