Яңа гасыр тавышы / Голос нового века (на татарском языке)

У?ле һаман шул СѓРє С‚У™Рј аларда —

Диңгез тозы… әрем ачысы…

Һәм аз гына… сизәр-сизмәс… бераз…

Нарат җиләгенең тамчысы…

Аерылганга аймы, ел узганмы…

Узды бугай инде бер гомер.

Чигә чәчләреңнең бөтеркәсе

Кайнар күмер түгел, ак төтен.

Күрешергә тиеш булмаганга…

Шуңа төштә генә киләсең.

Бусагалар көтә сине сыкрап,

Син дип ачам ишек келәсен —

Ухлап карт ябалак күтәрелсә

Ботагыннан корган тупылның.

– Килермен дип уйламадым… болай…

Тик үтешли генә сугылдым…

– Ярый, – димен. – Мин дә… тик үтешли.

Тик үтешли – фани дөньяда…

Яшим исемеңне телгә алмый,

Пышылдамый хәтта уйда да.

У?РјРјР° беләм: барыбер минеке СЃРёРЅ,

Язмыш кайда кагып йөртсә дә.

…Сумаладай кара чәч толымым —

Йөрәк турыңдагы кесәңдә…

Туфрак

Без сезнең шикелле идек.

Сез безнең шикелле булырсыз.

    Кибәч зиратының капкасына язылган сүзләр.

Җир дә – бер күләм. Күк тә – бер күләм.

Җан да – бер күләм.

Шуңа – пошынма.

Тын тор. Сүзеңне тыңласын Җиһан

Яфрак шавында. Җил сулышында.

Сирень фокстроты, шомырт кадриле,

Тузганакларның көяз вальсында.

Яратыр өчен сүзләр… кирәкми.

Син бит беләсең.

Дөнья бер чиктән икенче чиккә

Айкала әле.

Айкалыр озак.

«Без идек сездәй. Бездәй булырсыз».

Кочаклап елар…

Юк!

Үбәр өчен —

Җирсегән чакта —

Калсын бу туфрак.

Бары – бер күләм.

Артыгы түгел.

Артыгы – хәрәм.