Яңа гасыр тавышы / Голос нового века (на татарском языке)

Кояшлар да офыкларга китә,

Син дә киттең халкың күңеленә!

РЎРџРђ

Кемне генә күрмәгән бу җирләр,

Кемнәр генә монда йөрмәгән.

Кемдер килгән монда ил үреннән,

Кемдер чыккан монда төрмәдән.

Кемдер килгән монда юынырга,

Кемдер килгән ләмгә чумарга.

Кемдер килгән тынлык эзләп монда,

Кемдер килгән монда җырларга.

Кемдер килгән мәҗлес корыр өчен,

Кемдер килгән ялгыз калырга.

Кемдер йөри монда ятлар белән,

Кемдер кайткан сөйгән ярына.

Кемдер килгән монда күрер өчен

Бу дөньяның яңа ләззәтен.

Кемдер килгән монда җанындагы

Юар өчен бөтен хәсрәтен.

Кемдер килгән суда йөзәр өчен,

Тирләр өчен парлы хаммамда.

…Килгәннәрнең булган әрнүләре

Юылмаган әле һаман да.

Ниләр генә күрмәгән бу җирләр,

Карасын да күргән, агын да.

Тәнен сафландырган чакта кеше

Юа алса иде җанын да.

У?ллә шуңа

Күзләреңә дала җиле сеңгән,

Алма исе сеңгән киемеңә.

Бигрәк тыйнак үзең,

Артык тыйнак,

У?ллә шуңа кердең күңелемә.

Күзләреңә төннәр сере иңгән,

Алма алсулыгы битләреңдә.

Бигрәк нурлы үзең,

Бигрәк җылы,

У?ллә шуңа кердең йөрәгемә.

Күзләреңдә ниләр чагылса да —

Өләшәсең җанга нурлар гына.

Бигрәк моңлы үзең,

Бигрәк серле

У?ллә шуңа күчтең җырларыма.

Китап

Ни кадәрле бөек фикерләр бар,

Күңелләрдә күпме сер ята.

Р?ТЈ кадерле СЃТЇР·Р»У™СЂ җуеладыр,

Керми калса әгәр китапка.