Яңа гасыр тавышы / Голос нового века (на татарском языке)

– Официант, үтә кыйммәт хакка —

Төтен, каһвә, тын әңгәмә —

бераз соңрак, кыямәткә кадәр —

ике ядрә – сул чигәмә.

Мин бу көзгә язлар белән түлим,

соңгылары булсын —

кызганма.

– Официант, боз һәм бәгырь суы! —

күз кабагым корып сызлана.

Мин бу көзгә меңе белән түлим —

бөтен бер Аллага

зарык күңел белән.

– Официант, күрше өстәлләргә —

челлә кайнарлыгы, тылсым-үлән,

бераз соңрак, көннәр сүрелгәндә,

һәркайсына өмет – ике күләм.

Тыйма, зинһар, мин бу көзнең инде

кимрәк хакка килешмәсен беләм.

4.

Шәһәр шәмдәлендә ялгыз фонарь гына,

өмет тыны белән бөтерелә карлар —

яран сырган якты тәрәзәдән

таңда, бәлки, Р?Р·РіРµ РђРЅР° карар,

борылышта әле пәйда булган

актык шәүләләрнең каудары —

пәйгамбәрдер, бәлки, учындагы

кадак эзен өфләп кайтадыр,

зекер дисбесенә мәрҗән булыр

Мәрьям сыктауларын кат-кат үбеп.

Көзге җилдә кайнар кабер ташын

бәгыренә кыскан сабый кебек.

Сабый фалы гади: шәмнәр яна икән,

эремәскә тиеш – янарга,

җәмигъ-храмда – хак йолалар түгел,

Аллаһ үзе кирәк аларга.

Төннең һәр ымыннан мәгънә шәйләп,

әллә ниләр юрап һәрбер йортка,

уяу калган актык шәүләләрне

ялгыз фонарь гына яктырта.

Булат Р?Р±СЂР°Т»РёРј

Булат РҐУ™РєРёРј улы Р?Р±СЂР°Т»РёРјРѕРІ 1990 елның 19 октябрендә Татарстан Республикасының Лаеш районы Атабай авылында туа. Биредә урта РјУ™РєС‚У™РїРЅРµ тәмамлый.