Иоанн III Великий. Первый Российский государь. Летопись жизни. Часть III

А се его речи: коли яз ехал от Великого Государя от Великого Князя перед двема годы и приехал до Царя Римского в Норберг, и пытал мене Царь Римский и иные княжата много о твоей милости, и напослед мене пытали, если твоя милость был послушен Кралю Польскому и с твоею землею, что они первее верили, и я также.

<…> и явне перед всеми поведал я, яко твоя милость есть Великий князь и Великий Государь, а более землю имаешь, неж Краль Польский, и твоя милость богатейший неж Краль Польский от земль и от скарбов, и како есть твоя милость вельможный и борзомудрый Государь, что яз знал, коли яз был у твоей милости; иж Царь Римский великий и иные княжата Немецкая дивилися о таковой вельможности и мудрости твоей и о величестве земли твоей, что дръжишь, что они пръвее того не ведели, ани слышели от жадного человека так много, яко от мене разумели.

<…> И Князь Великий к нему выслал противу того с ответом диака же своего Феодора

.

Государь наш Князь Великий Иван Васильевич всея Руси велел тебе говорити: что еси нам говорил от своего Государя от Цесаря, чтобы нам тебе показати своя дочь, и мы тебе отвечали, что к твоему Государю к Цесарю о всём шлём своего человека, а того у нас обычая в земле нет, чтобы нам переж дела являти свои дочери.

А что еси нам говорил от магистра Вифлянского, что будто наша отчина Псков держат за собою земли и воды Вифлянские, ино наша отчина Псков держат земли и воды по старине, по тому, как наперед сего жили с Немцы Вифлянские земли.

Да сказал Николай Феодору, что есть ему речь своя к Великому Князю наодине о Великого же Князя деле. И Князь Великий велел ему у себе быти и поговорил с ним в набережной горнице, поотступив от бояр; да велел Феодору у него его речи выписати того деля, что он толмачем не хотел говорити.

А се его речи, что у него Фёдор выписал: просим твою милость, абы того жадный не ведал; коли ся того неприятели твои на мене доведают, Ляхове и Чяхове и другии, тогда мне много лихо се състанет и мне о горло приправят; то есь речь: слышели есмо, иж Великий Князь пред тыми годы посылал до Папежа Римского своих послов, жадаючи и просячи от него, абы его Папеж уделал кралем на его земле, а то ему слышел, иж того Краль Польский вельми не хотел, и посылал в тыи часы до Папежа с великими дары, абы того Папеж не уделал.