Нацыянальныя і дзяржаўныя сімвалы Беларусі

Так, як i Пярун, паступова было выцеснена са свядомасцi нашых продкаy i другое паганскае бажаство – Ярыла. Яго «замянiy» святы Георгiй Пераможац, якога y нас часцей за yсё называюць святы Юры. Гэтаму y немалой ступенi паспрыяла як падабенства iх iмёнаy (Ярыла = Юры – Гюргi – Георгiй), так i супадзенне дня святога Юрыя з Ярылавым днём (6 мая – пачатак вясны, першы выган статка y поле. «Да Юр’я павiнна сена хапiць i y дурня», – кажа народная прымаyка).

Як сведчаць хрысцiянскiя крынiцы, святы Юры—Георгiй – гэта рэальна iснаваyшая асоба.

Вядома, што Георгiй нарадзiyся y Кападокii, служыy у рымскiх легiёнах пры iмператару Дыяклетыяне (каля 243—313) i стаy знатным кападакiйскiм военачальнiкам, меy заслужаныя пашану i славу, але адрокся ад тытулаy, знатнасцi i багацця, прыняyшы хрысцiянства. За выкрыццё паганства i распаyсюджванне хрысцiянства Георгiй зведаy жорсткiя пераследы i страшныя катаваннi. Вядома, што y 303 г. ён быy закатаваны насмерць пасля васьмiдзённых здзекаy. За свае мукi i мужнасць, непахiсную веру y Збавiцеля Георгiй быy кананiзаваны. Лепшыя якасцi святога Георгiя праявiлiся y яго подзвiгах, адным з якiх было выратаванне iм царэyны Аi (Аны) ад дракона. Мiтрапалiт Макары у Вялiкай Мiнеi (XVI ст.) так апiсвае гэты подзвiг: «У палесцiнскiм горадзе Гавале пасялiyся y возеры вялiкi змей, якому жыхары павiнны былi аддаваць на з’ядзенне сваiх дзяцей. Калi чарга дайшла i да царскай дачкi, святы Георгiй з’явiyся ёй ля возера, дзе яна стаяла, прынесеная y ахвяру, i загадаy ёй, абвязаyшы драконаву галаву сваiм пасам i аброццю каня, завесцi яго y горад. Царэyна выканала загад Перамаганосца, i калi яна прывяла пачвару y горад, святы Георгiй адсек яму галаву мячом i такiм чынам звярнуy у хрысцiянства iдалапаклоннiкаy Гавальскiх». Гэтаму апiсанню адпавядаюць выявы подзвiгу святога Георгiя y заходнееyрапейскiм жывапiсу i на праваслаyных iконах, толькi на iконах святы Георгiй не з мячом, а з кап’ём.

Царква абрала святога Георгiя нябесным апекуном рыцараy – удзельнiкаy крыжовых паходаy супраць мусульман i паганцаy.

Выява святога Георгiя y выглядзе коннага рыцара мае глыбокi сэнс: белы (срэбны) колер вершнiка i яго каня сiмвалiзуе чысцiню хрысцiянства i вернасць запаветам Хрыста, меч – сродак барацьбы за веру, чырвоны колер – поле, залiтае крывёю ворагаy хрысцiянства. Шмат якiя знатныя людзi i цэлыя народы лiчылi святога Георгiя сваiм нябесным апекуном i абаронцам.