Тасаввуф алломалари

Унинг минорадек узун бўйидан қўрқиб, дедим:

– Девмисан, ё одаммисан?

Ҳабаш деди:

– Мусулмонмисан, ё кофирмисан?

Абу Туроб Нахшабий деди:

– Мусулмон!

Ҳабаш деди:

– Мусулмон киши ҳаргиз Худодан бошқасидан қўрқмайди.

* * *

Худо йўлига кирганга озиқасизликнинг ўзи озиқадир.

* * *

Сўрадилар:

– Нима учун қалбимиз таскин топмайди? Абу Туроб деди:

– Уч нарсани севасиз, улар сизларники эмас. Жонингизни севасиз, жон эса Аллоҳникидир. Мол-дунёни севасиз, у эса меросхўрларникидир. Дунёни севасиз, ҳолбуки, дунё ўткинчидир.

* * *

Ҳақиқий бойлик шуки, Аллоҳдан бошқасидан беҳожат бўласан. Ҳақиқий йўқсиллик шуки, Аллоҳдан ўзга барчага муҳтож бўласан.

* * *

Р?РєРєРё нарса Р±РѕСЂРєРё, Р±Сѓ дунёда истайсизу топмайсиз: биринчиси – шодлик РІР° хушвақтлик, иккинчиси – роҳат РІР° РѕСЂРѕРј.

* * *

Таваккул шуки, ўзингни қуллик ва бандалик дарёсига ташлайсан ва кўнглингни Аллоҳга ташлайсан – агар берса, шукур қиласан, агар олса, сабр этасан.

* * *

Аллоҳ таоло васлига етмоқлик – ўн етти даражага кўтарилмоқликдир: энг биринчиси – итоат ва олийси Унинг ҳақиқатига таваккул қилмоқликдир.

* * *

Қаноат – ризқни Аллоҳдан олишдир.

* * *

Таваккул – инсон қалбининг Аллоҳ билан таскин топганидир.