История стандартизации в России

Изучение исторических аспектов стандартизации, сертификации и метрологии призвано помочь в совершенствовании национальной системы стандартизации.

Приложение:

УСТАВНАЯ ГРАМОТА НОВГОРОДСКОГО КНЯЗЯ ВСЕВОЛОДА МСТИСЛАВИЧА ЦЕРКВИ ИОАННА ПРЕДТЕЧИ НА ОПОКАХ.

ГРАМОТА ВСЕВОЛОДА МСТИСЛАВИЧА НА ПОГОСТ ЛЯХОВИЧИ.

Первоначальный текст грамоты относится к 1134—1135 гг., но грамота несколько раз дополнялась и позже. Печатаемый текст грамоты возник не ранее второй половины XIII или XIV в.

Здесь грамота перепечатывается из книги «Памятники по истории Великого Новгорода», под ред.

С. В. Бахрушина, изд. Н. Н. Клочкова, М. 1909.

Также текст грамоты можно найти в книге «Памятники русского права» «Памятники права феодальнораздробленной Руси XII – XV вв.» Госюриздат, 1953, стр. 162 – 165.

Се аз князь великии Гаврил, нареченыи Всеволод самодръжець Мьстиславичь, внук Володимир владычествующю ми всею Рускою землею и всею областью Новгороцкою, божиим благоволением поставил есми церков святыи великыи Иван на Петрятине дворище; и устроил есми ю иконами многоценнами, и евангелием многоценным, и всеми книгами исполнь, устроил есми попы и дьяконы в сборной великой церкви.

И даю святому великому Ивану, от своего великоимения, на строение церкви и в векы, вес вощаной, а в Торжку пуд вощаной, половина святому Спасу6, а половина святому великому Ивану на Петрятино дворище; а оброка попом, и дьякону, и дьяку, и сторожам из весу вощаного имати: попом по осми гривен серебра, а дьякону четыре гривны серебра, а дьяку три гривны серебра, а сторожам три гривны серебра; а имати им той оброк и в векы, на всякий год, по моему данью великого князя Всеволода.

А попом пети у святого Ивана вседенная, у святого Захарьи на полатех пети по неделям, и в векы; а дьякону пети у святаго Ивана субота да неделя, из того оброка, и в век.

И яз, князь великий Всеволод поставил есми святому Ивану три старосты от житьих людей, и от черных тысяцкаго, а от купцев два старосты, управливати им всякия дела Иванская, и торговая, и гостинная, и суд торговый; а Мирославу посаднику в то не вступатца, и иным посадником в Иваньское ни въ что же, ни боярам новгороцкым.

А кто хочет в купечество вложиться в Иванское, даст купьцем пошлым вкладу пятьдесят гривен серебра, а тысяцкому сукно Ипьское, ино купцам положить в святыи Иван полътретьядцать гривен серебра; а не вложится кто в купечество, не даст пятьдесят гривен серебра, ино то не пошлый купець, а пошлым купцем ити им отчиною и вкладом.