Дополнение к общему молитвослову

    Авва Палладий

Молитва при целовании крестика

Пролей, Господи, каплю Святейшей Твоей Крови в мое сердце, иссохшее от страстей и грехов и нечистот душевных и телесных. Аминь.

Молитвы о поминовении

О живых

Помяни, Господи, благостию Твоею вся ближния моя: родители, братию, сестры и вся сродники, други и недруги, ненавидящих и любящих мя, заблуждающих, злобствующих и оклеветающих мя, здравых и больных, страждущих и убогих, немощных и слабых, старых и малых.

Помяни по имени мною поминаемых и по состоянию забываемых и присно памятуемых. Помяни не имущих ближних, о них молящихся, сирот и нищих, печальных и всех несчастных. Буди всем по коегождо потребе: счастье, утешение, сила, помощь, отрада, упокоение, мир, ласка, любовь.

Спаси, Господи, и помилуй всех православных христиан, на всяком месте владычества Твоего православно живущия: подаждь им, Господи, душевный мир и телесное здравие и прости им всякое согрешение вольное же и невольное и их святыми молитвами и меня, окаянного, помилуй.

О усопших

Помяни, Господи, души усопших рабов Твоих, новопреставленных в сей день, в сей час, в сей момент от сего мира отшедших в надежде воскресения: в огне сгоревших, в воде утопших, в пути замерзших, от глада, без покаяния и Причастия умерших и за православную веру живот свой положивших, сирот, нищих и не имущих близких о еже молитися о них, старцев, стариц, подвижников, праотцев, отцов и матерей, братьев и сестер наших и всех, о ком просили молитися, имена их же Ты веси, Господи; помяни всех, нами поминаемых (имена).

Молитва о упокоении духовного отца и о спасении нас, грешных

Помяни, Господи, во Царствии Твоем отца нашего духовного (имя) с усопшими духовными чадами и сродниками; и прости их вся согрешения вольная и невольная; даруй им Царствие и причастие вечных Таин благих и Твоея безконечныя и блаженныя жизни наслаждение. И его святыми молитвами спаси и помилуй всех нас, духовных чад и сродников наших.

Господи, приложи нам веру! Аминь.

Молитва св. праведного Иоанна Кронштадтского «любовь к народу»

Господи, даруй мир Твой людям Твоим! Господи! Даруй рабом Твоим Духа Твоего Святаго, чтобы Он согревал сердца их любовию Твоею, наставляя их на всякую истину и добро.