Хабар

Затым – наступную. У кнiзе yсяго 365 старонак. За год спраyлюся.

Запiс № 11.

Прадаць атлас. Такiм чынам, вызначыцца з адпачынкам будзе прасцей.

Атлас нiхто не набывае. Усе карыстаюцца iнтэрнэтам.

Планы на будучыню. Крочыць у нагу разам з усiмi. Але спачатку прачытаць раман «Ідыёт».

Запiс № 12.

З’ездзiць на зiмовую рыбалку 1 снежня, бо на традыцыйную, летнюю, не паспеy.

Цэлы дзень прасядзеy на льдзiне. Нiчога не злавiy. А сусед насупраць выцягнуy пяць шчупакоy. Сказаy, што трэба верыць у прыкметы. Напрыклад, да 1 снежня yставаць з левай нагi.

Другая парада: браць з сабой «сагравiк».

Планы на будучыню. Да наступнага 1 снежня падымацца з ложка толькi з левай нагi. Паглядзець у энцыклапедыi, што азначае тэрмiн «сагравiк».

Запiс № 13.

31 снежня наступнага года. Не забыць прааналiзаваць планы мiнулага года, спрагназаваць планы на год новы.

P. S. Не забыць пра раман «Ідыёт».

P. S. S. Калi атлас нiхто не набудзе, падарыць яго на Новы год сябру. Ён i жонка даyно yжо планавалi адпачынак на моры.

P. S. S. S. Прыдумаць нешта арыгiнальнае. Каб усе родныя, сябры i знаёмыя зноy сказалi: «А гэтага мы нiяк ад цябе не чакалi!..»

Сiла слова

Гумарэска

Сёння мы вывучалi крылатыя выразы. І так мне гэта тэма спадабалася, што я вырашыy як мага часцей iх ужываць. Тым больш адной такой фразай можна замянiць цэлы сказ! Да таго ж хацелася здзiвiць бацькоy.

– Што y школе новага? – запыталася дома мама.

– Рыжыкаy двойку па матэматыцы атрымаy, – адказаy я.

– Чаму?

– Дык ён увесь урок бiбiкi бiy i лiчыy варон.

Словам, уся навука яму y адно вуха залятала, а праз iншае вылятала.

Мама засмяялася, а я працягнуy:

– А Сямёнаy, як атрымаy «здавальняюча» па лiтаратуры, кiпеy нiбы вада y гаршку. Сiдараy, якога выклiкалi на yроку гiсторыi, стаy белым як папера.

– Вось як, – усмiхнулася мацi. – Добра, вастраслоy, iдзi на кухню, там цябе чакае абед.

Пасля перакусу, якi сёння мне падаyся на адзiн зуб, я паyгадзiны абрываy тэлефон лепшаму сябру Ягору. Потым забег да таварыша па лесвiчнай пляцоyцы Колькi.

З iм мы бiтую гадзiну гулялi y камп’ютарныя гульнi. Потым, на ноч гледзячы, я вярнуyся дадому.

– Ты не забыyся, што y цябе заyтра кантрольная па матэматыцы? – запыталася y мяне мацi.

– Я яе адной левай!

– Але вам задалi шмат, трэба ж рыхтавацца! – не адступала мама.

– Заданне не воyк, у лес не збяжыць, – парыраваy я.

– Але yжо позна. Калi ты атрымаеш дрэнную адзнаку, то «выдатна» за чвэрць нiяк не выйдзе.