Хабар

Хабар

Андрэй Сiдарэйка

Чытача кнiгi Андрэя Сiдарэйкi чакаюць вясёлыя гумарэскi, iранескi, гiсторыйкi, былi, адзначаныя вастрынёй, сатырычнай накiраванасцю i добразычлiвымi yсмешкамi. Парадуе i жартаyлiвы каляндар, у якiм аyтар распавядае пра цiкавыя нетрадыцыйныя святы, у большасцi невядомыя шырокай аyдыторыi. Завяршае кнiгу гумарыстычная аповесць «Маладыя, альбо Вясёлыя буднi сям’i Курачкiных».

Шматлiкiя з уключаных у зборнiк твораy публiкавалiся y рэспублiканскiм перыядычным друку.

Выданне стане выдатным падарункам для аматараy айчыннага гумару.

Андрэй Сiдарэйка

Хабар

© Сiдарэйка А. П., 2023

© Каршакевiч А. П., iлюстрацыi, 2023

© Афармленне. ТДА «Выдавецтва “Чатыры чвэрцi”», 2023

Да чытача

«І няyжо аyтар не змог знайсцi больш арыгiнальнай назвы для кнiгi?» – здзiвiцеся вы.

Не, адкажу я вам. За столькi гадоy, што iснуюць гумар i сатыра, больш трапныя назвы разабралi калегi па пяры. А мне пакiнулi вось гэтую – «немiлагучную».

Я напачатку вагаyся, браць не браць, – хабар усё ж. А потым рашыyся на такi адчайны yчынак. Бо як у кнiгах, так i y жыццi заyсёды ёсць нечаканы паварот.

«Пра што гэта?» – зноy запытаецеся вы.

А вось пра што.

З такiм «хабарам» можна yпэyнена адчыняць дзверы любых устаноy. І гэтак жа смела пакiдаць яго на стале гаспадароy пакоя. Так вы заб’яце адным стрэлам некалькi зайцоy: вырашыце набалелае пытанне, выклiчаце сапраyдную yсмешку y чалавека, а таксама, што немалаважна y наш час, павысiце yзровень папулярызацыi кнiгi, чытання, гумару i сатыры.

Калi ж у мяне не атрымалася вас пераканаць, то пакiньце «Хабар» у кнiжнай краме.

Упэyнены, гандляры кнiгамi за сваё жыццё не атрымлiвалi такога арыгiнальнага падарунка.

Ад рэдактара

Перагарнуyшы апошнюю старонку кнiгi, не адразу, але раю: калi вы сур’ёзны чалавек, то не трацьце марна часу… Не чытайце, бо, хутчэй за yсё, адчуеце, што не так жылi i жывяце. А яшчэ горш: перастанеце быць сур’ёзным чалавекам.

Знаёмыя не пазнаюць вас, а незнаёмыя падумаюць, што з вамi не yсё y парадку. А прычынай стане ваша заyсёдная yсмешка i нават нечаканы рогат, бо, прачытаyшы кнiгу, будзеце пастаянна згадваць незвычайныя сюжэты i, дзе трэба цi не трэба, усмiхацца або рагатаць. А самыя блiзкiя, крый Божа, увогуле спалохаюцца…

А калi вы багаты i паспяховы чалавек, тым больш не чытайце. Пакiньце гэты занятак тым, хто перабiваецца з хлеба на квас.