Шнар

Вы некалi глядзелi y шахту, на yсю гэта канструкцыю? На тое, як ходзiць трос ходырам. Як невядома адкуль, як нябожчык, перакiнуyшыся праз борт, звiсае дугой, яшчэ адзiн незразумелы трос. І цень ад яго часам палохаy больш за yсё.

Я жыy на сёмым паверсе, адзiнага высокага будынка y акрузе. Чырвоны дзевяцiпавярховы iнтэрнат, пабудаваны на старых могiлках. У маiм кутнiм пакоi, заyсёды было холадна. Кветкi y нас не раслi, бо апроч з'яданага паветра электрапечкай, у атмасферы было нешта яшчэ.

Першыя тры гады маёй школы, лiфт не працаваy.

Першыя тры гады школы, колькасць i цяжар школьных кнiг iмкнулася да максiмуму. Да таго ж, у маёй сям'i рабiyся велiзарны акцэнт на навучанне.

Мама часта падклiкала цi падводзiла мяне да акна на кухнi i паказвала на пiyбар праз дарогу. У 90% выпадках, там качаyся нехта п'яны, мачыyся на сцены, бiyся цi яго пакаваy мiлiцэйскi патруль. Часам гэтыя дзеяннi iшлi па коле цягам кожных дваццацi хвiлiн.

У пятым класе я перавёyся y далёкую школу i лiфт адрамантавалi.

Узiмку, я стаяy у цемры i кватэрным ключом прыадчыняy дзверы шахты, пакуль чакаy лiфт. Я цешыyся, калi ён падымаyся да мяне.

Гэта надыходнае святло i потым ён пралятае да твайго паверха. Менавiта пралятае, бо матор перастае працаваць цi нешта таго i трос ужо не так напружана цягне кабiну yгару.

Ствараецца адчуванне некаторага лёту, калi ты yсярэдзiне. Святло грала найважную ролю. Ён нiбы адкрываy гэты свет, няважна, быy ты знадворку цi yсярэдзiне кабiны.

Над лiфтам заyжды была лямпачка, як лiхтар на галаве глыбакаводнай пачвары з вялiзарнымi клыкамi ды выпуклымi вачыма.

Калi лiфт стаяy на 6 паверсе цi спускаyся yнiз, мне заyсёды было нiякавата. Як быццам усярэдзiне, цi на даху, а можа быць, павiсшы на тросе, магло апынуцца нешта жахавiтыя. Гэта, мабыць, адзiн з галоyных страхаy.

Другое месца займае пралёт патрэбнага паверха. Лiфт спыняецца недзе на подступах да сёмага паверха, далятае да восьмага паверха.

Пачуццё непрыязi i немачы пракрадаецца yсярэдзiну. Дзверы адкрываюцца y цемру. Нехта рэзка з'яyляецца перад табой. Гэтыя людзi незнаёмыя табе. Можа суседзi. Суседзi якiх ты нiколi не бачыy ды наyрадцi пабачыy калi шчэ акрамя yнутры жаха.

Часам ён прыязджаy на шостай, не ведаю чаму, але гэта мяне палохала больш. Можа ад таго, што на восьмым жыло два мае сябры i сяброyка маткi. Аднак шосты паверх, не абяцаy нiчога добрага.