Шигырьләр / Стихи (на татарском языке)

Зөләйха Йосыфә гашыйк улыбдыр,

Кулындин камчысын әлә соныбдыр.

РљРё СѓР» камчы көйдерде Йосыф әлене[642 - У?лене – кулын.],

Бел имди сән бу гыйшыклык халене!

«Сәлам яздым сәңа, җаным, гөзидә…»

Сәлам яздым сәңа, җаным, гөзидә[643 - Гөзидә – сайланган, сайлап алынган (бердәнбер).],

Сәнең кебек ки тугъмаз йир йөзидә.

* * *

Сәлам яздым сәңа, җаным, тиң итеп,

Сәламемне ки кайтарма ким итеп.

* * *

Сәлам яздым сәңа, җаным, үзеңә,

Күзем дөшде сәнең күркәм йөзеңә.

* * *

Сәлам яздым сәңа, җаным, асылный,

Сәне күрмәй бәнем күңлем басылмый.

* * *

Сәлам яздым сәңа, җаным, гүзәлем,

Сәне күрми, җаным, һич [дә] түзәлмим.

* * *

Сәлам яздым сәңа, җаным, хәкыйкъәт,

Йосыф – Зөләйхадин алгыл нәсыйхәт.

* * *

Сәлам яздым сәңа, җаным, йитәрмү,

Бу хат берлә арада сүз бетәрмү?

* * *

Сәлам яздым сәңа – кабул аласән,

Р?РєРµ читенә бер билге саласән.

* * *

Сәлам яздым сәңа, җаным, кичә көн,

Кабул итмәз исәң, ватма пичәтен.

* * *

Сәлам яздым сәңа, җаным, бу микъдар,

Бәлки, булмас микән диеп бәңа җар[644 - Җар – хәбәр, белдерү, игълан; кычкырып дәшү, ачык.].

* * *

Сәлам яздым сәңа, җаным, үзеңә,

Яман күз дөшмәсен күркәм йөзеңә.

* * *

Сәлам яздым сәңа, җаным зыйасы[645 - Зыйасы – яктысы, нуры.],

Йөрәк бәгърем, күземнең тутыйасы[646 - Тутыйа – минераль кушылдык (күз даруы).].

* * *

Сәлам яздым сәңа, җаным-фәлянга,

Бу мәктүбне кабул итеп аланга.