Шигырьләр / Стихи (на татарском языке)

* * *

Сәлам яздым сәңа, җаным, ике күз,

Сәнең хәсрәтдин саргайды нурлы йөз.

* * *

Сәлам улсын сәңа, җаным, кара каш,

Бу серемне әйләмә һичкемгә фаш.

* * *

Сәламдин соң кабул булса, җанашым,

Кичә-көндез сәнең берлә сагышым.

* * *

Сәламдин соң кәлям яздым үзеңә,

Җефетлеккә өмид идәм үземә.

* * *

Сәламдин соң дәхи сәңа кәлямем[647 - Кәлям – сүз.]:

Кабул иткәй идең бәнем сәламем.

* * *

Сәлам язмак пәйгамбәр сөннәтедер[648 - Сөннәт – пәйгамбәр эшләргә кушкан эш.],

Сәлам алмак матур кыз хөрмәтедер.

* * *

Сәлам язмак галим шәкерт эшедер,

Кабул күргән дәхи изге кешедер.

* * *

Бәнем юкдыр сәңа лаикъ бүләгем,

Ни булса да гаеп итмә, йөрәгем.

* * *

У?Р№Р° җаным, ерак булдым үзендин,

Тыеп булмый йәшем ике күземдин.

* * *

У?РіУ™СЂ белсәң РёРґРµ, җаным, халемне,

Үзең бирер идең газиз җаныңны.

* * *

Сагынмакдин сары булды чыраем,

Аермасын – кауыштырсын Ходаем!

* * *

Һавадин ике асыл кош барадыр,

Сәне күрмәй бәнем эчем янадыр.

* * *

Тәкәбберлек хәтергә килсә, филхаль[649 - Филхаль (фи-л-халь) – шунда ук, шул чакны ук.]

Гъәзазил кыйссасыны йадыңа ал.

* * *

Бу мәктүбне гаиб йиргә[650 - Гаиб йир – аулак җир, яшерен җир.

Конец ознакомительного фрагмента.

Текст предоставлен ООО «ЛитРес».

Прочитайте эту книгу целиком, купив полную легальную версию (https://www.litres.ru/gabdeldzhabbar-kandalyy/shigyrl-r-stihi-na-tatarskom-yazyke/) на ЛитРес.