Адбіць у чужынцаў кляйнотаў сваіх

– Чым яшчэ магу вам дапамагчы, фар Утальтат? На жаль, я маю ня так багата часу…

– Фар Экраск, як я yжо апынуyся y Кнiжным цэху, дык, з вашага дазволу, быy бы рады пачытаць усё, што вы маеце пра рэлiгii Анкегу.

– Ня бачу жаднае перашкоды. Вам прынясуць паесьцi, пакуль Рэyбальд зьбярэ патрэбныя кнiгi. Можаце бавiць у гэтым пакоi столькi часу, колькi палiчыце патрэбным.

Неyзабаве прынесьлi ежу, вiдавочна разьлiчаную на iншаплянэтнiкаy: ягадны рулет у панiроyцы й запечаны зь мёдам хвост яшчура.

Рэyбальд прыцягнуy стос кнiгаy на вазку, калi ад хвасту на талерцы засталiся адно косткi й храсткi. Каyрыт паглыбiyся y чытаньне: пакланеньне забiтым продкам на Гульмаскай раyнiне, мэдытатыyная фiлязофiя аyрпэнтаy, акультны канiбалiзм у пячорах Арлii, цьмяныя абрады велярыбных выспаy…

Ён падняyся з-за сталу, калi Клiнд i Ўурд цалком схавалiся y водах Эйтэрычнага акiяну, а незьлiчоныя зоры yшпiлялi чорнае неба над Номiльнам.

Праходзячы вiтальняю першага паверху, Каyрыт з жахам уваччу заyважыy паразьдзiраныя асобнiкi «Сямi касьмiчных шчыротаy». Яны ляжалi на падлозе ля палаючага камiну.

Чоyнiк выйшаy з анкегскае атмасфэры й на арбiце прыстыкаваyся да гмаху Вандроyнае Царквы Касматэiзму. З шлюзу выйшаy Каyрыт Утальтат у рытуальным чорным убраньнi i yпэyнена скiраваyся y Зорны прыдзел. Там, гледзячы y панарамнае вакно на туманнасьць Парабрамы, стаяy Патрыярх Вiрмецаль.

Каyрыт паважлiва схiлiy галаву й прыклаy левую руку да выявы Вялiкага выбуху на правым плячы.

– Вашая патрыяршая мiласьць, безнадзейны выпадак. Я наведаy адзiн кантынэнт з чатырох, але й гэтага было задосыць. Плянэта блюзьнераy! Там квiтнеюць апатэiстыя, паганцы, агностыкi, анiмiстыя й лiха ведае хто яшчэ. Колькасьць дробных гарэтычных культаy не паддаецца падлiку. Агульнакасьмiчная мараль гэтым вылюдкам невядомая yвогуле.

Патрыярх Вiрмецаль павярнуyся да яго:

– Культурная каштоyнасьць?

– Блiзкая да нулю.

– Мiсiянэрская дзейнасьць?

– Немажлiвая.

– Рызыка распаyсюду гэрасi?

– Значная.

– Што вы прапануеце, мой касьмiчны браце?

– Стандартную працэдуру, вашая патрыяршая мiласьць.

Вiрмецаль падняy рукi далонямi yверх i yрачыста прамовiy:

– Няхай мiжзорны пыл прыме небаракаy у свае абдоймы й даруе iм новае жыцьцё y пазаплянэтнай гармонii.