УМР КИТОБИ 3-жилд

Томирга туртгувчи дард илдизини,

Руҳингга сепилган гард илдизини,

Ким айтар, қорайтган қон қирмизини,

Боғдан топса бўлур гул табибини,

Топмоқ мушкул экан дил табибини.

Тиконлар тиконни суюб турганда,

Тошлар тошлар учун ийиб турганда,

Само замин учун куйиб турганда.

Узоқ ахтармайсиз гил табибини,

Топмоқ мушкул экан дил табибини.

Умидли дунё деб уввос солган ким,

Кўнгил уммонига ғаввос солган ким,

Гулдан, гўзалликдан қасос олган ким?

Ҳар лаҳза топарсиз пул табибини,

Топмоқ мушкул экан дил табибини.

Сиз дилга малҳамни дилдан излангиз,

Олов аламини кулдан излангиз,

Эъзоз-эътиборни элдан излангиз,

Эл бошида тутгай ўз ҳабибини,

Топмоқ мушкул экан дил табибини!

ЧЎП РўРЈРЁРњРђРЎР?Рќ

Замон оғир деймиз, замон ёмонми,

Биз келиб-кетамиз, замон омонми,

Аллоҳ асли Ўзи соҳиб замонми,

Р?шонманг РґСѓС‡ келган каснинг СЃСћР·РёРіР°,

Асло чўп тушмасин миллат кўзига.

Кимнингдир кўнглида муз эримайди,

Ўзгасин қалби тош, туз эримайди,

Одам қаригайдир – дард қаримайди,

Хазон сепманг сира гулнинг изига,

Асло чўп тушмасин миллат кўзига.

Қадримиз қон билан шонда асрайлик,

Тинчликни жон тикиб, жонда асрайлик,

Тинчлик – одамзодга абадий бойлик,

Шу бойлик буюрсин ўғил-қизига,

Асло чўп тушмасин миллат кўзига.