УМР КИТОБИ 3-жилд

Кин, риё, низолар – гуноҳи кабир,

Оламга зоҳир бу, одамга зоҳир,

Меҳру оқибатдек нима бор соҳир,

Қут-барака тиланг ризқу рўзига,

Асло чўп тушмасин миллат кўзига.

Оловсиз ёнгайдир тўртта томонинг,

Ўзингдан чиқса гар нокас-нодонинг,

Қушингга буюрсин сочилган донинг,

Ким парда тортибди қуёш юзига,

Асло чўп тушмасин миллат кўзига.

Буюк аждодларга ҳабиб халқ бўлдик,

Соҳиби давлатга соҳиб халқ бўлдик,

Эзгу ниятлари вожиб халқ бўлдик,

Зинҳор кўз тегмасин ўзбек ўзига,

Асло чўп тушмасин миллат кўзига.

СЕВГАНЛАР, СЕВР?ЛГАНЛАР

Нур ичра нурга ўхшар,

Ойдайин туюлганлар.

Гул ичра гулга ўхшар,

Севганлар, севилганлар.

Оташни ором билар,

Сукутни калом билар,

Бир-бирин умрин тилар,

Севганлар, севилганлар.

Нигоҳлари сўйлайди,

Кўнгиллари куйлайди,

Фақат бахтга бўйлайди,

Севганлар, севилганлар.

Тилагида тумор бор,

Р?зларида ифор Р±РѕСЂ,

Юрагида дутор бор,

Севганлар, севилганлар.

Кўзлари – кўзгусидир,

Юзлари – ёғдусидир,

Хуш висол – орзусидир,

Севганлар, севилганлар.

Жонида чамани бор,

Гуллардан гулхани бор,

Осмонда Ватани бор,

Севганлар, севилганлар.