ВАТАН МАНГУ МАКОН

Билоғон санайди ўзин яна бировлар,

Харомдан тиёлмас аммо томоқларини.

Либосин ўзгартар кунда сатанг киборлар,

Бечора яширар тўнда ямоқларини.

Журъатсиз ошиқлар қолур кўчада сарсон,

Солмагай дилрабо унга нигоҳларини.

Лоқайдлар ўтказар кунин беҳуда, чакки,

Фидолар ишидан чоғлар думоқларини.

Гарчандки, тақдирни бўлмас ўзгартиб, тузиб,

Оқиллар билади нима қилмоқларини.

Қаловлар топилар, шукри бўлмаса канда,

Тушуниб турибсиз Поён демоқларини.

XРЈРЁ КЕЛДР?РќР“

Марҳабо, хуш келдинг, юртимга баҳор ,

Оламни яшнатиб, бердинг, кўрк, оҳор.

Саврнинг жоласида бурчоқлар ўйнар,

Бўтана сувлардан ҳайқирар анҳор.

Қирларда майсалар чайқалар нафис,

Боғларда қийғос гул,тоғларда виқор .

Хушилхон қўшиқни бошлабдур булбул,

Шўх-шан қизлар сочга баргаклар тақар .

Ошиқ кўнгилларда мастона сурур,

Севиб – севилмоқлик ёшларга ёқар.

Табиат уйғонган, яшнаган борлиқ,.

Р?Р»ТіРѕРј жўшиб, Поён, қилдим РґРёР» РёР·ТіРѕСЂ.

СЕНДА РЎРЋР—Р?Рњ БОР

Кечиргил, муҳаббат, сенда сўзим бор,

Эллик йил кўнгилда сақлабман зинҳор.

Эҳтимол, нафратинг ё ғашинг келар,

Тағин пайдо дебон бу номард, беор.

Қалбимдан жой олдинг ўша маҳаллар,

Маст айлаб севгидан, бахш этдинг виқор.

Танитган санаминг паризод эди,

Сулувлар бариси олдида чокар.

Мафтуни, шайдоси бўлгандим тамом,

Ундан бўлак, дердим, бариси бекор.