ОМОНЛИК ТИЛАЙЛИК 2-жилд

Жонимда чарх урар ушалмас илинж,

Сизга барибирми, йиғласам, кулсам?

Ҳовучим хапқирар қувонч ёш тўкса,

Не қилай қаршимда андуҳ тиз чўкса,

Алам қилар экан дўстдан ўқ тегса,

Сизга барибирми, йиғласам, кулсам?

Бўйладим, бўйладим дорга етмадим,

Қаторда керилган норга етмадим,

Ўз кўнглимдан бўлак зорга етмадим,

Сизга барибирми, йиғласам, кулсам?

Тошларни чиритиб бўлмас экан-ку,

Ой доғин аритиб бўлмас экан-ку,

Қуёшни қаритиб бўлмас экан-ку,

Сизга барибирми, йиғласам, кулсам?

Омонат дунёга ғанимат меҳмон,

Мен чиндан сўрасам эгилгай осмон,

Ой ўтар, йил ўтар, эй дўсти нодон,

Сизга барибирми, йиғласам, кулсам?

ТљРЈРЁ ДУОСР?

Ёмон сўзлар дилга ёмон ботганча бор,

Дил оғриса, кўнгиллар муз қотганча бор,

Хуш ниятга дарвозангиз очиқ турсин,

Кутилган тонг бирам ёруғ отганча бор.

Баҳор кутган қиш қўйнида гуллаб яшар,

Куртакларга гулдан умр тилаб яшар,

Яхши одам яхшиликдан толиқмайди,

Ҳар майсани нигоҳида силаб яшар.

Зулмат қочур тунда ёққан бир шам билан,

Кўклам кўрки унга етган одам билан.

Сув сўрасанг, сен тоғларнинг умрин тила,

Ҳовуч тўлмас тонглар тутган шабнам билан.

Баҳор боғин бағри кенгдир олам қадар,

Турфа гуллар бир-бирига зеру забар,

Кўзларингга сиққунча кўр кўклам кўркин,

Р?РєРєРё РґСѓРЅС‘ мусаввири Аллоҳ чевар.