АСАРЛАР (III жилд)

Оқсарой мисоли мунаввар қолгин,

Оқшоминг ҳеч қачон қаро бўлмасин.

В В В В 2006

РЇРҐРЁР?Р›Р?Рљ

Яхшилик қил – элу юртинг,

дўсту ёру бегонага яхшилик қил.

Энг аввало – ўз онангга,

Ҳеч бўлмаса – ўз онангга

ўхшайдиган бир онага

яхшилик қил!

В В В В 2006

ОДАМ – ТЕЛЕФОН

Биқинда – бир телефон,

Бўйнингда – бир телефон.

Бир телефон – киссангда,

Қўйнингда – бир телефон.

Қўлингда – қул телефон,

Ўйингда – пул телефон.

Сенга ҳамдамдир – кезсанг

Саҳрою чўл – телефон.

Қизингда – бир телефон,

Ўзингда – сир телефон.

Уйда неча жонинг бор –

Шунча телефонинг бор.

Қўймайди хушторларинг,

Дилбару дилдорларинг.

Баданларинг зириллар,

Телефонинг ириллар.

Камалакни кўрмайсан,

Капалакни кўрмайсан.

Тўхтаб туриб, майсага

Боқдингми бир лаҳзага?

Бир кун ўтсанг, эй одам,

Сенга ким тутар мотам?

Жанозангга нолонлар

Тўпланар телефонлар.

Зирқирайди биқининг –

Буйракдаги тошингми?

Телефонлар охири

Едилар-ку бошингни.

Маъракангда жам бўлиб

Ейдилар ҳам ошингни.

Кейин дўсту ёрларинг

Йиғлаб бардош, сабрингга,

Мармартош телефонни

Ўрнатишар қабрингга.

В В В В 2006

РЃРўР?БЛАР Р?ЧГАН СУВЛАРР?Рњ

Ёш чоғларимдан севмишим –

ётиблар ичган сувларим.[4 - Қаҳҳор бахши ибораси.]

Армони йўқ ёзу қишим –

ётиблар ичган сувларим.