МАНТИҚУТ-ТАЙР

Кимса билмас, шу буюк баҳри амиқ

Р?чра тош РїРѕСЂР° азизми С‘ Р°Т›РёТ›?

Ақлу жону дил ва динни бойладик,

Лек камолин зарра билдик, билмадик.

Юм даҳонинг, сўрма аршу курсини,

Баски йўқ билмоққа имконинг уни.

160 Битта қил олдида ақлинг нотавон,

Жоиз эрмасму басе юмсанг даҳон.

Битта зарра олдида лолсен тамом,

Борму боз сўрмакка ҳожат, вассалом.

РќРµ СЌРјРёС€ РєСћРє, Р±РѕС€ СЌРіРёР± СѓР» РїРѕР№РґРѕСЂ,

Беқарорликка мудом этмиш қарор.

Чарх истарки, бу сирни англасин,

Улки саргардон эса, не англасин.

Буйла ҳол бирла нечук султондир ул,

Баски бундоқ зору саргардондир ул.

165 Кўйида саргашта, билмас қайдадир,

Парда узра пардадирким, пардадир.

Бўйла саргардонлик ичра ҳар замон,

Не билур ул парда ичра не ниҳон?

Чарх уриб лек орзуйи оташдадир,

Шул эшик атрофида саргаштадир.

Пардайи роз чун очилмасдир анга,

Пардайи асрор очилгайму сенга?

Кори олам бўйлаким ғайрат эрур,

Ҳайрат узра ҳайрату ҳайрат эрур.

170 Ҳар замон йўл янги поён ичрадир,

Халқ боқиб, ҳар лаҳза ҳайрон ичрадир.

Йўлчига йўл не кўрингай, шунга боқ,

Ким йироқ кўргай уни, кетгай йироқ.

Бениҳоятдир, адоғи йўқ унингн,

Беададдирким, саноғи йўк унинг.

Оламе кўрдик, ғаройибдир иши,

Жумла кўзлардан-да ғойибдир иши.

Кимсага сирри аслга роҳ йўқ,

Заррадин бир заррайи огоҳ йўқ.

175 Бўйладирким, ул йўқотмишдир йўлин,

Юз буриб деворга, тишлайдир қўлин.