МАНТИҚУТ-ТАЙР

Дедиким, менга аён асрори ишқ,

Хонишимда ҳар кеча такрори ишқ.

Воҳки, йўқ Довуд каби бир интизор,

Сўйласам севгим Забурин зор-зор.

755 Найдаги зор севги изҳорим менинг,

Чангдаги мунг нолаю зорим менинг.

Сайрасам, боғу чаман сархуш эрур,

Мен билан ошиқ кўнгиллар хуш эрур.

Сўйласам, ҳар лаҳза розим ўзгача,

Куйласам, ҳар дам овозим ўзгача.

Р?С€Т› менинг жонимга савдо келтирур,

Мисли дарё шўру ғавғо келтирур.

Кимса туғёнимга тоқат айламас,

Гарчи ҳушёр эрди бўлгай масту маст.

760 Топмадим жонимга асло маҳраме,

Сўйласам рози дилимни бир даме.

Маъшуқи ёрим вале ҳар навбаҳор

Мушку атрин этса оламга нисор.

Шод бўлурмен, очилур баҳри дилим,

Ҳал бўлур ёр талъатидин мушкулим.

Маъшуқи ёрим чу пайдо бўлмагай,

Булбули шўрида гўё бўлмагай.

Розини ҳар кимга булбул айтмас ул,

Рози булбулни чаманда гул билур.

765 Боғ аро гул ишқида ғарқмен чунон,

Бўйла ғарқу маҳви мутлақмен чунон.

Р?С€Т›РёРЅРёРЅРі савдоси бўлса, менга бас,

Ул гули раъноси бўлса, менга бас.

Бас, нечук Симурғга бўлгай тоқатим,

Тоқатим йўқ, гулга бордир ҳожатим.

Чун гули садбарг у дилдорим менинг,

Ўзгаларга не эмиш корим менинг?

Гулки яшнаб, ўзни хандон айлагай,

Менга деб чун ўзни жонон айлагай.

770 Парда ортидин чиқиб, ҳозир эса,

Лабларида кулгуси зоҳир эса.