МАНТИҚУТ-ТАЙР

Ўқ агар бошимга тегса, дерки ул:

Қулларим ичра ёмони эрди бул.

Ўқ агар мўлжалга тегса, йўқ гумон,

Подшонинг бахти, дерлар шул замон.

Ўртанурмен бўйла икки ғам аро,

Ҳар куни бошимда бундоқ можаро…

БУТР?РњРћР  ТљРЈРЁРќР?РќР“ РЈР—Р  СЎРАГАНР?

980 Бутимор қуш келди, ул сайрон эди

,

Мен ўзим бирлан ҳамиша банд, деди.

Сув била кечгай қишу ёзим менинг,

Туймади ҳеч кимса овозим менинг.

Баски беозор эрурмен эрта-кеч,

Чекмади бир кимса озоримни ҳеч.

Масканим дарё бўйи, мен дардманд,

Ҳар қачон андуҳлидирмен, мустаманд.

Дилни сув орзуси бирлан хун этай,

Қизғанурмен сувни дунёдин, нетай?

985 Чун эмасмен аҳли дарёйи ажаб,

Сув бўйида жон берурмен хушклаб.

Чайқалур пойимда денгиз дамба-дам,

Лек ичолмасмен ани бир қатра ҳам.

Кетса денгиз қатраси, ҳолим хароб,

Ўртаниб, бағримни айлармен кабоб.

Мавжи денгиздин шу ғавғо менга бас,

Р?С€Т›РёРґРёРЅ бошимда савдо менга бас.

Ҳар нафас денгиз ғамидин роҳатим,

Бир нафас Симурғга борму тоқатим?

990 Улки асли қатрайи оби зилол,

Қайда бўлгай унга Симурғдин висол?

ҲУДҲУДНР?РќР“ БУТР?МОРГА Р–РђР’РћР‘ БЕРГАНР?

Деди Ҳудҳуд: эй денгиздин бехабар,

Не наҳанглар унда, не-не жонвар.

Баҳр аро сув гоҳи аччиқ, гоҳи шўр,

Тўлқини гоҳ сусту ором, гоҳи зўр.

Гоҳ тинар, гоҳ ҳайқириб елгай яна,

Гоҳ кетар, гоҳ гулдираб келгай яна.