Сляды волатаў

Таму падаюцца яны блiжэй да чалавечага жытла, да фермаy. Нават на yскраiны гарадоy прыходзяць прыгожыя дзiкiя палявыя курачкi.

Снежань зiму пачынае, а год заканчвае.

25 снежня каталiкi святкуюць Божае Нараджэнне.

Усе мы з радасцю рыхтуемся да сустрэчы Новага года, да канiкулаy, да зiмовых свят, якiя будуць на пачатку наступнага месяца.

Студзень

Месяц маразоy, снегу, сцюдзёны, халодны. Украiнцы гэты месяц завуць «сiчень», бо ён падзяляе зiму на дзве палавiны. У рускiх назва «январь» – з лацiнскай мовы, ад iмя старажытнарымскага бога Януса.

Але жыццё не спыняецца. На снезе можна заyважыць сляды палявых мышак, якiя адважылiся выбрацца з норак, з-пад снегавога покрыва. Пакiдае y лесе свой след кунiца. Вавёрачка стараецца без патрэбы не вылазiць з дупла, каб не патрапiць кунiцы на вочы.

Зайчыкам даводзiцца кармiцца найбольш карой дрэy, тонкiмi галiнкамi. Ласi таксама ядуць кару дрэy i галлё. А лiсы i зайчыка не прамiнуць, i курапатку злавiць могуць, i мышак умеюць даставаць з-пад снегу.

Не спяць зiмой у сваiх падводных хатках бабры, рачныя выдры y сваiх норах, але на снег яны стараюцца амаль не выходзiць.

Кормяцца пераважна бярозавымi пупышкамi цецерукi. Яны падаюць з дрэy у глыбокi i мяккi снег i спяць, незаyважаныя, пад iм.

Упрыгожваюць заiнелыя кусты чародкi чырвоных снегiроy.

1 студзеня мы адзначаем Новы год, ладзiм ёлкi.

7 студзеня праваслаyныя вернiкi святкуюць Раство Хрыстова.

Люты

Само слова сведчыць, што ён суровы. Украiнцы яго таксама лютым называюць. Па-руску «февраль» – ад iмя старажытнага iталiйскага бога Фебра.

Гуляюць мяцелiцы, ды i маразы трымаюцца. Таму людзi i гавораць: «Вiхры i мяцелi y лютым наляцелi». А y пагодныя днi y зацiшку сонца yжо пачынае прыграваць, могуць i кропелькi з даху, пакрытага снегам, закапаць – капеж.

У лесе працягваецца па-зiмоваму суровае жыццё, але y мядзведзiцы yжо нарадзiлiся медзведзяняткi.

Намнога весялей ценькае y лесе сiнiчка. А калi месяц выдараецца цяплейшым, чым звычайна, то y небе можна пачуць галасы пералётных гусей, нават першага шпака yгледзець.

Пачынаюць чырванець галiнкi y бярозы i лiпы. Здаецца, што дрэвы выходзяць з лесу, з-за зялёных ялiн i хваiн наперад.

Усё y прыродзе y чаканнi сапраyднага цяпла i вясны, бо заканчваецца апошнi зiмовы месяц.