Чароўная скарбніца

Прама з паперы y пакой дзяyчынкi выйшлi нечаканыя госцi.

– Рада вiтаць вас на Зямлi! – сказала гаспадыня. – Цудоyна, што вырашылi y нас пагасцяваць!

– Ну, мы не зусiм планавалi, яно неяк само адбылося! – здзiyлена аглядаyся Рудаш.

– Мы з Рудашам каталiся на хадзiку, якi раптам пачаy ператварацца y касмiчны карабель, а потым праз iлюмiнатар мы yбачылi вас… Нечаканая вандроyка атрымалася! – дзiвiлася Мiнола.

– Усё таму, што тэлепартацыя бывае загадкавай i непрадказальнай! – пачуyся яшчэ адзiн знаёмы голас i… з намаляванага карабля выйшлi Сiнька i Зялёнка.

– А вы тут як апынулiся? – запытаyся y iх Рудаш.

– Таксама, як i вы! Нас намалявалi i тэлепартавалi! – дзелавiта сказала Сiнька.

– Паглядзiм, як яны тут жывуць! – важна дадала Зялёнка, i няпрошаныя госцi саскочылi з аркуша паперы i пайшлi гуляць па пакоi.

Улада назiрала за кампанiяй вухуцян, якiя з’явiлiся y яе дома. Што рабiць з гасцямi i дзе iх размясцiць, яна пакуль не магла прыдумаць, але ласкава сказала yсiм:

– Гасцiнна запрашаю! Пачувайцеся як дома!

Дзецi-iншапланетнiкi з цiкавасцю разглядалi мэблю, шафу з кнiгамi, пазiралi y акно, але асаблiва спадабаyся iм кораб з цацкамi.

Гаспадыня зняла з яго накрыyку i дазволiла браць усё, што захочацца. Сiнька i Зялёнка схапiлi адну ляльку i пачалi тузаць кожная y свой бок:

– Я першая yзяла!

– Адчапiся! Гэта маё!

– Паненкi, толькi без сварак! – папрасiла Улада.

– Вы як заyсёды! Зваднiцы i гарлапанкi… – уздыхнула Мiнола.

– Чаго вы сюды прыляцелi? Уладу ж вы на сваёй планеце негасцiнна сустрэлi! – нагадаy Рудаш.

– Адпраy iх дадому, няма чаго iм тут рабiць! – даy Вухуцiк параду сяброyцы.

Але гаспадыня адмоyна пакруцiла галавой:

– На yласным досведзе адчула, што непрыемна, калi табе не рады. Я не буду адказваць тым жа. Няхай дзяyчынкi застаюцца, толькi прашу вас паводзiць сябе добра.

– Мы i так добрыя! – хмыкнула Сiнька.

– Аж занадта! – прыцмокнула Зялёнка i рэзкiм рухам вырвала ляльку з рук сяброyкi.

– Дарагiя мае госцi, нечакана нас сабралася цэлая кампанiя! – Улада вырашыла даць вухуцянам карысныя парады.

 – Давайце дамовiмся, што вы не будзеце паказвацца на вочы iншым зямлянам. Гэта можа мець непрадказальныя наступствы!

– Нам што, пад ложак схавацца i сядзець? – паставiла рукi y бокi Зялёнка.

– Мы табе на Вухуцii не забаранялi хадзiць дзе захочацца! – наступала Сiнька.

– Я вам усё пакажу, мы будзем разам гуляць i адпачываць, але нiхто iншы не павiнен вас бачыць, – сказала Улада.