Танцавальны марафон

Шапавалаy, шукаючы паратунку ад спякоты, залез у фуру, а дзверына выпадкова замкнулася. Канечне, на yсё гэта плюнуць i расцерцi, але звечара ён добра-такi выпiy i нават не памятаy, чаму аказаyся голы. Даведаюцца y калоне – засмяюць. Леyчанка дапамагла Шапавалаву, але пасля смерцi шафёра зусiм па-iншаму yспрыняла той выпадак, таму i прыйшла, нават са сваiм бачаннем падзей. Версiя ж гаваркой сакратаркi y тым, што нехта пазбавiyся ад Шапавалава, i смерць шафёра на дыскатэцы – не што iншае, як працяг разборкi y бягомльскiм лесе.

– А што думаеце вы? – нясмела спытаy Хмара i спадылба зiрнуy на начальнiка. Мiкулiчава празмерная таямнiчасць успрымалася як недавер: чаму толькi сёння падпалкоyнiк расказаy праyду?

– Паводзiны Александровiч i заява Леyчанкi насцярожылi, прымусiлi шукаць пацверджанне. І пакуль што адкiнуць версiю забойства Шапавалава – не рызыкну.

– І yсё ж, чаму Шапавалаy быy у фуры голы? – пачаy задаваць пытаннi Хмара.

 – Без вады, ежы – зразумела, а вось каб зусiм без адзення… Не зiма… Значыць, сур’ёзна yспрымаць здарэнне як замах на жыццё не можам.

– А калi Шапавалава такiм макарам папярэдзiлi аб магчымых непрыемнасцях? – разважлiва сказаy Мiкулiч. – Усё ж запаленне лёгкiх ён падхвацiy, i цяпер смерць Шапавалава на дыскатэцы не yспрымаецца як недарэчнасць. Я не адмаyляю збегу абставiн, яго вялiкасць выпадак можа добра-такi павадзiць за нос, але на тое мы i следчыя…

«Гаворыць, як на лекцыi па крымiналiстыцы», – падумаy Хмара i самаyпэyнена yсмiхнуyся:

– Цяпер прыйдзецца пераключыцца з любоyных сувязяy Шапавалава на дзелавыя?.

.

– Да дзявятага жнiyня мы павiнны раскрыць таямнiцу бягомльскага лесу, – не зважаючы на сарказм падначаленага, працягваy Мiкулiч. – У гэты дзень Александровiч вяртаецца з адпачынку.

Хмара iмгненна стаy сур’ёзны. Ён зразумеy, што yсю вышуковую работу прыйдзецца рабiць самаму.

– А Вы yпэyнены, што яна yзяла зваротны бiлет?

– Вернецца, – запэyнiy Хмару Мiкулiч i, складваючы паперы y папку, нязмушана дадаy: – Яна не сумняваецца y тым, што мiлiцыя не будзе аспрэчваць заключэнне экспертаy.

Няшчасны выпадак настолькi вiдавочны, што зрабiць такое нiкому i y галаву не прыйдзе. А да любоyных прыгод Шапавалава не трэба ставiцца скептычна, у гэтым накiрунку мы будзем працягваць працаваць прыдзiрлiва i педантычна.