АСРОРНОМА

225 Нурингдин жумла қудсийлар ёзиб пар,

Сени бармоқ-ла имлаб кўрсатурлар.

Рисолатни, аё, ким сенча этмиш,

Қўлингда ўнта бармоқ тенгму эрмиш?

Агар олдингда ҳалво бўлса шул он,

Узун бармоқ-ла олмоқ анча осон.

Бориб, Сиддиқ томирига қўлинг қўй,

Унинг қалби тўла нур эрканин туй.

Умарга айт, ғазабнок тикка турсин,

Р’Р° Р?блис РєСћР·РёРіР° бармоқ ботирсин.

230 Суянчиқ бўлсин, айт, Қуръонга Усмон,

Суриб бармоқ, варақлаб турсин ҳар он.

Алига айт, намоз пайтида буткул,

Узукни айласин фармонпазир ул.

Бор энди, бутпарастларга зуғум қил,

Узукка жойла дунёсин, ҳукм қил.

Деса ким, мўъжиза кўрсат шу жойга,

Р?шорат айла бармоғинг-ла РѕР№РіР°.

Садоқат бирла динни муҳатарм эт,

Фалакка қўл узат, ойни қалам эт.

235 Ғаним бармоқ ғажир, бошида кўлка,

Сенинг бармоғинг этмиш ойни тилка.

Агар бармоқки динга бурмаса юз,

Китоб бирлан уни сен йўлга юргиз.

Ювиқсиздир жаҳон, андин не ҳосил,

Узатма қўлни, заҳролуд бузоқ ул

.

Солинтирма қўлингни ергаким, ҳай,

Динингга эҳтиром унда йўқолгай

.

Қироат айлама кофирга Қуръон,

Қулоғин беркитар бармоқ-ла ҳар он.

240 Қулоққа бармоғин қўйганда ҳар кез,

Қулоғига Билолнинг кирмагай сўз

.

Агар тош урсалар оғзингга, ул дам

Лабингга бармоғинг бос, урмагил дам.

Ўшал тош бирла, келгайдир замони,

Уларга тору танг этгунг жаҳонни.