МАНТИҚУТ-ТАЙР

925 Улки этгай сояси йўқсилни шоҳ,

Шавкату шаънига қайдин иштибоҳ?

Жумла истарлар менинг соямни, бас,

Зарраси ҳар дилда орзую ҳавас.

Қайданам бўлсин у Симурғ ёр менга,

Баски бул хусравнишонлик кор менга?

ҲУДҲУДНР?РќР“ ҲУМОГА Р–РђР’РћР‘ БЕРГАНР?

Деди Ҳудҳуд: эй ғурури бирла маст,

Солма соянгни, етар, кулдирма, бас.

Йўқ бугун хусравнишонликдин нишон,

Р?С‚ каби олдингда ёлғиз устухон.

930 Этмасайдинг шоҳни шоҳ кошкийди, боз

Устухондин ўзни айлардинг халос.

Ўйлаким, шоҳлар жаҳон ичра бутун

Бош кўтарса жумла соянгдин бугун,

Эртага бўлгайди шоҳликдин жудо,

Барчаси дарду балога мубтало.

Бўлмаса соянг, бўлурму шаҳриёр

Рўзи маҳшарда балоларга дучор?

ТІР?РљРћРЇРў

Р‘Р?Р РћР’ РўРЈРЁР?ДА СУЛТОН МАҲМУДНР?

КЎРГАНР?

Бор эди бир кимса пок рой, соф кўнгил,

Бир кеча Маҳмудни тушда кўрди ул

.

935 Сўрди: эй султони соҳиб иқтидор,

Бас, нечуксен, масканинг дорул қарор?

Деди: таъна бирла қоним тўкма, ҳой,

Подшолик маскани эрмас бу жой.

Салтанат қурдим, ғалат иш эрди ул,

Бир ҳовуч тупроққа чун лойиқми бул?

Ҳақки султони жаҳондордир фақат,

Салтанатга ул сазовордир фақат.

Чун кўриб ожизлигу ҳайронлигим,

Бас, уят бўлди ўшал султонлигим.

940 Мен паришонмен, чақирсанг, хон дема,

Улки султондир, мени султон дема.

Улки султон, мен адо бўлсам эди,

Кошки дунёда гадо бўлсам эди.