Чароўная скарбніца

У п’явак дзесяць вачэй, тры скiвiцы i каля двухсот сямiдзесяцi зубоy. Адарваць п’яyку ад цела вельмi складана, але гэта не балюча. Прысмактаyшыся да ахвяры, iстота намёртва сцiскае скiвiцы i не адвальваецца, пакуль не нап’ецца крывi».

Няшчасная Сiнька стала бледнай i, адкiнуyшыся на падушку, прашаптала:

– Жах! Пачвара-крывасмок хацела зжэрцi мяне! Заглынуць цалкам!

Небарака лiла слёзы i гучна хлюпала носам-дудачкай.

– Супакойся, Сiнечка! – суцяшала яе Улада, прыгладжваючы прычоску-спружынку. – Не так усё страшна, як табе падаецца.

Паненка рэзка села:

– Так у энцыклапедыi напiсана! На мяне напала драпежнiца, у якой дзесяць вачэй! Яна yвагнала y мяне свае дзвесце семдзесят зубоy i хацела высмактаць усю кроy!

– Ну што ты, даражэнькая! – зноy памкнулася супакоiць вухуцянку дзяyчынка. – П’яyкi больш за пяцьдзясят мiлiлiтраy не асiляць. Дарэчы, раскажу вам, што yвогуле не yсё так жудасна. У нас людзi п’яyкамi лечаць хваробы. Гэта называецца гiрудатэрапiяй. Калi чалавеку нешта балiць, доктар прыкладае медыцынскую п’яyку да скуры хворага.

П’яyка прысмоктваецца i выпiвае крыху крывi, а чалавеку дае свае лекавыя рэчывы. Потым яна сама адвальваецца, а чалавек папраyляецца.

– Дык яна цябе лячыла! – рассмяялася Зялёнка. – Ты акурат перад тым, як п’яyка да цябе замест хваста прысмакталася, прыкладна тым месцам крыху i стукнулася, калi нырала, даганяючы апалонiкаy. Памятаеш?

Сiнька састроiла незадаволеную грымасу i нiчога не адказала.

– Затое сiняка не будзе! – сказала Улада.

– А сiнякоy на Сiньцы не вiдаць! – засмяяyся Рудаш.

Вухуцiк, якi падчас гаворкi працягваy гартаць энцыклапедыю, дадаy:

– Так што супакойся, гэта была лячэбная п’яyка, тут пра iх шмат цiкавага напiсана. Прачытаць?

Сiнька замахала рукамi:

– Хопiць жахаy! Зямля – планета пачвар! Як вы тут жывяце?

Улада з усмешкай адказала:

– Цудоyна жывём! І вам я пакажу на Зямлi шмат цiкавага. Вечарам прыедуць мае сабачкi, я вас пазнаёмлю. Мама з татам iх сёння на выставу павезлi.

Яны такiя мiлыя, вам абавязкова спадабаюцца! Нават Вухуцiк пакуль незнаёмы з iмi, бо гадаванцы жывуць у нас нядаyна.

Дзецi пайшлi y сад на арэлi. Улада прыхапiла з сабой эскiмо на палачках. Вельмi спадабаyся вухуцянам незвычайны пачастунак! Так прыемна было y спякотны дзень лiзаць прахалодны салодкi ласунак. Пасля yсе разам пагарталi энцыклапедыю, прачыталi пра некаторых жывёл, якiя адкладваюць яйкi. Даведалiся цiкавыя звесткi пра чарапах, страусаy, пiнгвiнаy.