Вяртанне з апраметнай

Канечне ж, я yладкоyваю справу так, што Iван з Iрынай быццам бы вырашаюць скасаваць шлюб, але клiента y судзе не yспомняць: у яго ж таксама ёсць жонка i дзецi… Звычайна y такiх сiтуацыях мужчыны не таргуюцца, плацяць столькi, колькi скажам.

– А колькi? – загарэлася Ядзя.

– Значыць, ты згодна? – шчыра yсмiхнуyся Калеснiк i, цалуючы каханку y шчокi, вусны, лагодна дадаy: – Мы больш нiколi не будзем разлучацца.

Ядзя сумелася, бо зразумела, што гэтым пытаннем выдала сябе: яна не павiнна была адразу пагаджацца.

– А раптам нас падловяць? – спалохана спыталася Ядзя. – Што за гэта будзе?

– Выключана, – рэзкавата i па-дзелавому запярэчыy Калеснiк. – Я старанна выбiраю клiента, на гэтую ролю абы-хто, першы з вулiцы не падыходзiць. I потым, мы пракручваем аперацыю не кожны дзень, а два, ад сiлы тры разы на месяц. Гэтага хапае, жывём прыпяваючы. Цi табе больш даспадобы кампанiя iнфантыльнага Шаyцова? Падабаецца назiраць, як ён потнымi пальцамi лiчыць драбязу?

– Ты ведаеш, што я сустракалася з Вiталiкам? – пачырванела Ядзя.

– Я пра цябе ведаю больш, чым ты пра сябе, – задаволена yсмiхнуyся Калеснiк i працягнуy Ядзi шырокую далонь. – Ну што, па руках?

– Страшна, – сумелася Ядзя, яна, вiдавочна, какетнiчала. – А цi можна так, каб не фатаграфавацца? Мне брыдка, а што будзе, як пазнаюць?

– Галоyнае, каб на фотцы добра атрымаyся клiент, а твае толькi асобныя часткi цела. Без фотаздымкаy абысцiся можна, але непажадана, бо гэта доказ, i таму адразу yзрастае цана.

– Выходзiць, шантаж?! – не то пытаючыся, не то сцвярджаючы, прагаварыла Ядзя.

– Называй як хочаш, толькi клiент сам прапаноyвае грошы, а значыць, i скардзiцца не будзе.

Ядзя надзiва хутка yцягнулася y «работу». Яна пачала нават атрымоyваць асалоду, назiраючы за п’янаватымi клiентамi, якiя, убачыyшы яе, кiдка-прыгожую, вабную, падцягвалiся, iх твары расплывалiся дурнаватымi yсмешкамi, вочы быццам прылiпалi да яе гнуткага стану, да высокiх грудзей… У гэтыя хвiлiны Ядзя адчувала сваю перавагу, была казачнай феяй, ёй iмпанавала i цешыла яе самалюбства мужчынская пажадлiвасць.

Калеснiк i сапраyды прыдзiрлiва выбiраy будучага клiента. Ён некалькi дзён ацiраyся y калiдорах якой-небудзь высокай дзяржаyнай установы, бо будучая ахвяра, «клiент», павiнен быць начальнiкам, хай сабе i невялiкiм, але абавязкова каб пры пасадзе.