АСРОРНОМА

Агар тупроқдир аслинг, жойига тўк,

Унинг остонасига, пойига тўк.

Агар ел бўлса аслинг, додин этгил,

Уни тупроққа қор, бедодин этгил.

Агар оташдир аслинг, унга сув ур,

Ўшал оташ аро ёлқинга сув ур.

Табиат сенда ростдир, бериё бўл,

Қўйиб таъбингни, бир марди Худо бўл.

30 Ҳар икки олам ичра битта қилмиш,

Ўшал тўрт устунинг сенга не эрмиш?

Ўқиб бир, истабон бир, изла бирни,

Кўриб бир, англабон бир, сўзла бирни.

Бари бир жумладир охир ва аввал,

Вале кўргувчида кўз тийра, аҳвал.

Назар сол, зарра-зарра барча бирдай,

Анга тасбиҳ ўқиб, елгай, югургай.

Бу не лутфу иноятдирки, корсоз,

Магар ҳар зарра бирлан сўйлашур роз.

35 Бу не исму бу не маъни, ҳама сен,

Яна дерманки, эй сен, эй ҳама сен.

Р–Р°ТіРѕРЅРґР° Р±РѕСЂРјРёРєРёРЅ Р±РёСЂ РјСћР№РєРёРј СѓР»,

Ки сенга тутмасин юз бору буткул?

Сенга юз тутмасайдик, эй мукаррам,

Битарди, бўлмас эрди битта қил ҳам.

Агар сендин етишмас эрса ёрлик,

Топарму эрди зарра пойдорлик?

Ҳама сен бирла боқий, сен ниҳонсен,

Ўзинг жон ичраю айру жаҳонсен.

40 Ҳама жонлар сенга ҳайронадирлар,

Ҳама жон ичра жодирсен муқаррар.

Йўлингда охиру поён кўринмас,

Ўзинг жон ичрадирсен, жон кўринмас.

Жаҳонни тўлдириб, ғойиб жаҳонда,

Ҳама ғарқ сенга, сен йўқсан маконда.

Ниҳону ошкордирсен ҳамиша,

Қарору беқарордирсен ҳамиша.

Сенинг хомушлигинг гўёлигингдин,

Сенинг пинҳонлигинг пайдолигингдин.